KDB zajaŭlaje, što praduchiliŭ «adrazu niekalki teraktaŭ» u Biełarusi napiaredadni 9 Maja
Na ANT vyjšaŭ anons «rasśledavańnia», dzie nibyta budzie raskazana ab praduchileńni KDB adrazu niekalkich teraktaŭ u krainie.
Jak śćviardžajuć aŭtary rasśledavańnia, «ślady zakazčyka viaduć va Ukrainu».
Pavodle siužeta, vybuchovyja pryłady byli zamaskiravanyja pad bytavyja prybory, jakija byli pryviezieny ŭ krainu z-za miažy. U Biełarusi ich atrymali roznyja ludzi z zadańniem — «zabrać i nie zadavać lišnich pytańniaŭ».
U patrebny čas, jak śćviardžajuć aŭtary, pasyłki «pavinny byli aktyvavać, kab spravakavać achviary i ŭskałychnuć situacyju ŭ krainie».
U siužecie ŭdzielničaje čamuści dacentka žurfaka Alicyja Piniuta.
2 maja pa vynikach čarhovaj narady siłavoha błoka ŭ Łukašenki Ivan Cierciel prahnazavaŭ značnuju eskałacyju abstanoŭki pa pierymietry Biełarusi i abiacaŭ pakazać prykłady praduchileńnia teraktaŭ, pracu kontrraźviedki i materyjały zatrymańniaŭ.
I vyniki nie prymusili siabie čakać.
Nahadajem, 19 sakavika KDB paviedamiŭ pra likvidacyju ŭzbrojenaha zamiežnika ŭ Hrodnie, jaki nibyta pryjechaŭ z Polščy dla raźviedvańnia patencyjnych miescaŭ ździajśnieńnia teraktaŭ. Paźniej pa biełaruskim telebačańni pakazali kadry šturmu kvatery i zajavili, što ŭ zahinułaha byŭ padrobleny pašpart RF na imia Alaksieja Łamakina.
Hetaje zdareńnie pakinuła šmat pytańniaŭ, a «Bajpoł» nazvaŭ śpiecapieracyju pastanoŭkaj z udziełam dziejnaha supracoŭnika KDB, jaki syhraŭ rolu «terarysta».
Kamientary