U ahraharadku Vierciališki pad Hrodnam možna nabyć ceły torfabrykietny zavod. Pačatkovaja jaho cana — amal 4 młn rubloŭ, a aŭkcyjon adbudziecca 6 červienia, paviedamiŭ Hrodzienski abłvykankam.
Na terytoryi zavodskaha kompleksu jość piacipaviarchovy brykietny cech, budynak miechaničnaj majsterni, linija pa pieraapracoŭcy draŭlanych adchodaŭ, linija pa transpartavańni i adhruzcy pyłapadobnaha torfu, budynak zavodakiravańnia, skład, masłastancyja. U budynki praviedzieny kamunikacyi. Uładalnik zavoda — «Hrodnaabłhaz».
Torfabrykietny zavod u Vierciališkach pracavaŭ z 1950-ch hadoŭ. U apošnija hady jon staŭ zaniepadać, i choć u 2010-ja jaho sprabavali madernizavać, heta situacyi nie vypraviła. Apošnija supracoŭniki syšli z zavoda ŭ pačatku hetaha hoda.
Pieršaja sproba prodažu zavoda ŭžo była. Sioleta ŭ krasaviku za jaho prasili amal 8 młn rubloŭ, ale na aŭkcyjon nichto nie zapisaŭsia. Ciapier canu skinuli napałovu.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary