Na Zybickaj adkryli novuju art-prastoru — tam možna pakaštavać firmovuju bierlinskuju stravu
Na Zybickaj novaja art-prastora «Bierlin dvor» — z hrafici, kupalnikami na viaroŭkach, niamieckimi zakuskami i muzykaj. Jak adkryli bary «Na dnie» i «Horki», piša Citydog.io.
Jarkimi hrafici ŭ Minsku ŭžo nikoha nie ździviš, a voś hirland z adzieńnia jašče nie było. U «Bierlin dvary» na viaroŭkach raźviesili kiepki, kupalniki, futbołki i spartovyja štany. Prosta na tratuarnaj plitcy lažać dyvany. Zamiest stolikaŭ —razmalavanyja bočki z kruhłymi draŭlanymi stalnicami. Barnyja kresły zbudavali sa skryń z-pad napojaŭ, prymajstravaŭšy da ich miakkija siadzieńni. Vyhladaje vielmi atmaśfierna!
Dyzajnieram art-prajekta staŭ Anton Šapo. A asablivaja strava, jakuju možna pasprabavać u «Bierlin dvary», — karyvurst (Currywurst — «kaŭbasa z kary»). Heta papularnaja niamieckaja zakuska z absmalenych i parezanych na kavałački śvinych sasisak pad tamatavym sousam z kary.
Nu a ŭviečary ŭ «Bierlin dvary» svaja atmaśfiera: šumna, hučna, pryhoža i viesieła. Šukajcie prastoru ŭ dvoryku na Zybickaj, 6.
Kamientary