Prypyniŭ dziejnaść Biełaruski instytut stratehičnych daśledavańniaŭ
Ab prypynieńni dziejnaści ŭstanovy, jakaja hurtavała biełaruskich analitykaŭ bolš za 15 hadoŭ, paviedamiŭ dyrektar Biełaruskaha instytuta stratehičnych daśledavańniaŭ (BISS) Piotra Rudkoŭski.
Biełaruski instytut stratehičnych daśledavańniaŭ byŭ stvorany ŭ červieni 2007 hoda hrupaj vybitnych navukoŭcaŭ i hramadskich dziejačaŭ pry padtrymcy mižnarodnaj arhanizacyi Pact. Jaho stvaralnikam i pieršym dyrektaram staŭ palitołah Vital Silicki, pad kiraŭnictvam jakoha instytut nabyŭ pryznańnie jak miesca vysakajakasnaj hramadska-palityčnaj ekśpiertyzy.
Paśla zaŭčasnaj śmierci Vitala Silickaha ŭ červieni 2011 hoda ŭ arhanizacyi pačali ŭźnikać kanceptualnyja i piersanalnyja sprečki, tym nie mienš instytut nadalej mieŭ instytucyjnaje finansavańnie i mieŭ mahčymaść paŭnavartasna funkcyjanavać jak arhanizacyja.
Ale ź ciaham času supiarečnaści ŭ asiarodździ analitykaŭ narastali, a razam z tym mienšała donarskaja padtrymka instytucyi.
Urešcie da 2017 hoda BISS akazaŭsia ŭ hłybokim finansavym i arhanizacyjnym kryzisie. Ad sakavika 2017 da sakavika 2018 hoda ŭ instytucie praktyčna nijakaja dziejnaść nie viałasia.
U sakaviku 2018 hoda dyrektaram-vałancioram BISS pahadziŭsia stać Piotra Rudkoŭski. Vałanciorskaje dyrektarstva aznačała, što ŭ jaho nie było zarobku, adpaviedna, i nabor abaviazkaŭ byŭ vielmi abmiežavany, a faktyčna źmiaščaŭ tolki adzin akreśleny abaviazak: udzieł u napisańni prajektnych zajavak i realizacyi prajektaŭ.
Startavyja ŭmovy, jak padkreślivaje Rudkoŭski, byli vielmi kiepskimi, ale dziakujučy maralnaj, a časam i materyjalnaj padtrymcy dobrych ludziej, a taksama hatoŭnaści niekatorych ekśpiertaŭ supracoŭničać biez harantyi zarobku ciaham adnaho hoda arhanizacyja praktyčna vyjšła z kryzisu i ŭstupiła na etap raźvićcia.
Ale nastupnyja abstaviny, jakija Rudkoŭski padrabiazna raśpisvaje, hetamu raźvićciu zusim nie spryjali, i tamu zaraz instytucyja musić, jak jon vykazaŭsia, «vandravać u archiŭ historyi».
Ci realna ŭ emihracyi stvaryć demakratyčnyja instytuty, ź jakimi možna budzie pryjści ŭ novuju Biełaruś?
«Možna zadavać pytańni, čamu palaki tady nie zatrymali savieckija i svaje ŭłasnyja tanki, jakija jechali ŭ napramku Čechasłavakii»
Nakolki realna sfarmavać biełaruskaje vojska na terytoryi inšaj dziaržavy?
Kamientary