Žychary ahraharadka pad Homielem stohnuć ad našeścia «šalonaha ahurka»
Žychary ahraharadka Krasnaje Homielskaha rajona ŭžo kala dziesiaci hadoŭ sprabujuć zmahacca z echinacyścisam łopaścievym, jaki ŭ narodzie nazyvajuć «šalonym ahurkom». Samastojnyja sproby dać jamu rady nie dajuć vyniku, tamu miascovyja žychary źviarnulisia pa dapamohu da ŭładaŭ, piša Tochka.by.
Na vyhlad hetaja raślina davoli pryvabnaja i maje pryjemny miadovy pach. Adnak jana vielmi chutka raspaŭsiudžvajecca. Za adzin siezon jaje parastki mohuć vyrastać na 5—10 mietraŭ i abvivać drevy dy kusty, pazbaŭlajučy ich soniečnaha śviatła.
Nazvu «šalony ahurok» raślina atrymała praz asablivaści svaich pładoŭ. Pry paśpiavańni ŭnutry ich stvarajecca vysoki cisk i navat lohkaha dotyku moža być dastatkova, kab płod raskryŭsia i vykinuŭ nasieńnie na adlehłaść da 10 mietraŭ.
Radzima echinacyścisu — Paŭnočnaja Amieryka. U Jeŭropu jaho zavieźli jak dekaratyŭnuju raślinu, a ŭ Biełarusi pieršyja vypadki rostu zafiksavali ŭ 1963 hodzie ŭ Bresckaj vobłaści. Spačatku jaho vykarystoŭvali dla azielanieńnia altanak, ale paźniej raślina stała invazijnaj i pačała vyciaśniać miascovuju raślinnaść.
U Krasnym asnoŭnaja prablema źviazanaja z zakinutym susiednim učastkam, jaki amal całkam zaras echinacyścisam. Miascovyja žychary śćviardžajuć, što ŭčastak maje ŭładalnika, ale naležny dohlad za im nie viadziecca. U vyniku raślina pierabirajecca na susiednija terytoryi, a miescami jaje zaraśniki ŭžo vyšejšyja za čałavieka.
Zmahacca z echinacyścisam składana. Vykarystoŭvać chimikaty ryzykoŭna, bo raślina abvivaje inšyja drevy i kusty, jakija taksama mohuć zahinuć. Tamu asnoŭny sposab — vydaleńnie pustaziella razam z koraniem. Adnak pry takich maštabach prablemy žychary Krasnaha ŭžo nie mohuć spravicca samastojna i spadziajucca na dapamohu ŭładaŭ.
Žychar Pinska sabraŭ na poli ŭ Łuninieckim rajonie ŭradžaj makavaj sałomki
«U nas jany vielmi sałodkija». Biełaruska pachvaliłasia ŭradžajem hihanckich kavunoŭ
Kitaj stvoryć «Vialikuju zialonuju ścianu» z hryboŭ. I inšuju — z bambuku
Na Słuččynie našeście smaŭžoŭ
Dačnikaŭ buduć stroha karać za barščeŭnik i navat za sumnik
Kamientary