Tusk: Rasija rychtujecca da eskałacyi ŭ rehijonie. Hetaja zima budzie vyrašalnaj
Premjer Polščy taksama vykazaŭ mierkavańnie, što rasijska-ŭkrainskaja vajna znachodzicca na pierałomnym etapie.
Premjer-ministr Polščy zajaviŭ, što Rasija rychtujecca da eskałacyi ŭ vajnie z Ukrainaj i ŭ rehijonie ŭ cełym. Na jaho dumku, najbližejšaja zima budzie dla RF vyznačalnaj, piša Reform.news.
U piatnicu kiraŭnik polskaha ŭrada vystupaŭ na moładzievym mierapryjemstvie Campus Polska Przyszłości ŭ Olštynie, dzie jamu było zadadzienaje pytańnie ab niadaŭnim vizicie dyrektara CRU Džona Retklifa ŭ Maskvu. Pavodle adnoj ź viersij ŚMI, jon prylacieŭ, kab pieraścierahčy Rasiju ad ahresii ŭ dačynieńni da krainy NATA.
Tusk adkazaŭ, što polski bok byŭ apavieščany pra vizit.
«Ja nie mahu ŭdavacca ŭ padrabiaznaści, ale my znachodzimsia ŭ pastajannym kantakcie z kiraŭnictvam CRU, tamu nas nie ździŭlaje nijakaja infarmacyja ab dziejnaści i inicyjatyvach kiraŭnika CRU. Nas taksama papiaredzili ab nieabchodnaści terminovych pieramovaŭ na samym vysokim polska-amierykanskim uzroŭni ŭ hetym pytańni», — skazaŭ jon.
Premjer nahadaŭ, što raniej u intervju adnamu z zachodnich ŚMI jon užo papiaredžvaŭ ab realnaj pahrozie pravakacyi z boku Rasii ci navat abmiežavanym napadzie na adnu z krain NATO.
«Ja vydatna razumieŭ, što kažu. Siońnia ni ŭ kaho niama sumnieńniaŭ, bo heta źviazana nie tolki ź vizitam kiraŭnika CRU ŭ Maskvu, ale i z tym, što hetyja sihnały byli viadomyja hramadskaści ŭžo šmat tydniaŭ. Jasna, što Rasija surjozna rychtujecca da eskałacyi napružanaści jak u vajnie z Ukrainaj, tak i va ŭsim rehijonie, i što hetaja vosień i zima buduć vyrašalnymi dla Rasii», — skazaŭ jon.
Jon taksama adznačyŭ, što pavodle acenak roznych słužbaŭ Rasija choča mabilizavać 600 tysiač čałaviek, i hetaja mabilizacyja budzie pravodzicca nie dla miratvorčych apieracyj.
«Tamu my pavinny być hatovyja da roznych niepradbačanych abstavin, i nastupnyja siem-vosiem miesiacaŭ, biezumoŭna, buduć vyznačalnymi», — skazaŭ jon.
Tusk vykazaŭ mierkavańnie, što rasijska-ŭkrainskaja vajna znachodzicca na pierałomnym etapie.
Pavodle jaho słoŭ, u adzin dzień vidać, što Ukraina atrymlivaje stratehičnuju pieravahu, ale praz paru dzion akazvajecca, što jaje paraza taksama vielmi realnaja. Jon padkreśliŭ, što ciesnaje ŭzajemadziejańnie Jeŭropy i ZŠA maje vialikaje značeńnie i klučavuju rolu tut moža adyhryvać Polšča, jakaja maje dobryja adnosiny sa Złučanymi Štatami.
Premjer zapeŭniŭ, što zrobić usio, kab NATA isnavała nie tolki na papiery.
«Ja rašuča padtrymlivaju zachavańnie hetaha pryncypu jak najvažniejšaha pryncypu NATA: adzin za ŭsich, usie za adnaho. Kali Rasija vyrašyć napaści, nie viedaju, na Estoniju, my, asabliva palaki, byli b zusim niedalnabačnyja, kali b skazali, što na ŭsialaki vypadak nie budziem reahavać. My pavinny być na čale tych, chto mabilizuje NATO dla nieadkładnych i rašučych zachadaŭ u adkaz, inakš my budziem nastupnymi ŭ čarzie», — skazaŭ jon.
«Rasija źjaŭlajecca patencyjnym ahresaram u dačynieńni da krain NATA, i ŭ hetym pytańni my pavinny być absalutna adzinyja», — padkreśliŭ Tusk.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary
Tak, palityčnyj hienij.
Ale kolki b Tusk nie pytaŭsia padniać antybiełaruskuju histeryju - nie atrymlivajecca. Tamu karupcyju, jakuju jon raźvioŭ na ŭsich uzroŭniach, ciapier zamianiajuć ksienafobijaj da ukraincaŭ i pahrozaj napadu Rasii na NATA.