Jašče 20 tysiač kamier videanazirańnia pastaviać u dvarach Minska
U Minsku aktyŭna stvarajuć adzinuju sistemu videanazirańnia ŭ žyłym siektary.
Płanujuć pastavić 20 tysiač videakamier, piša BiełTA.
U žyłym siektary stalicy ŭžo ŭstanoŭlena bolš za 1 tysiaču videakamier, da kanca hoda hetaja ličba pavialičycca ŭ try razy. Zaviaršyć prajekt płanujuć na praciahu dvuch hadoŭ. Zaraz śpiecyjalisty «Biełtelekama» praciahvajuć abśledavańnie žyłych damoŭ, kab vyznačyć miescy dla ŭstanoŭki videakamier.
«Užo abśledavana bolš za 58% žyłych damoŭ. Śpiecyjalisty vyznačajuć na ich fasadach pa try kropki, dzie ŭ dalejšym buduć ustanoŭleny videakamiery. Jany buduć nakiravany najpierš na dziciačyja i kantejniernyja placoŭki, piešachodnyja suviazi. Heta dazvolić kantralavać jakaść vykanańnia i svoječasovaść akazańnia takich žyllova-kamunalnych pasłuh, jak vyvaz śmiećcia, utrymańnie ŭ naležnym stanie dziciačych hulniavych placovak, uborka prylehłych terytoryj. I, jak vynik, — stvareńnie kamfortnych i biaśpiečnych umoŭ dla žyćcia haradžan», — raskazała hienieralny dyrektar HA «Minskaja haradskaja žyllovaja haspadarka» Maryna Toŭścik.
Taksama prapracoŭvajecca mahčymaść dadatkovaha abstalavańnia šmatkvaternych žyłych damoŭ kamierami, jakija ŭ režymie anłajn buduć vieści videanazirańnie z boku vulična-darožnaj sietki. Nakiravanyja jany buduć na zialonyja zony i prajezdy.
Ciapier čytajuć
Palčys: Ja suprać dapamohi tym palitviaźniam, chto ŭ źniavoleńni pracavaŭ na administracyju4
Kamientary