Bolšaść achviaraŭ — z pansijanata dla pažyłych ludziej, pobač ź jakim znachodziŭsia skład bojeprypasaŭ.
37 čałaviek zahinuli, jašče 42 paranienyja ŭ vyniku ŭdaraŭ pa Kijeŭskaj vobłaści 28 žniŭnia. Pra heta paviedamiŭ kiraŭnik abłasnoj administracyi Cimur Tkačenka.
Pavodle jaho słoŭ, siarod zahinułych — kiraŭnik Dźmitraŭskaj hramady Taras Dzidzič.
«Pavodle źviestak, traŭmy roznaj stupieni ciažkaści atrymali 42 čałavieki, ź ich čaćviora dziaciej. Usim akazana kvalifikavanaja dapamoha, siem paciarpiełych špitalizavanyja», — dadaŭ Tkačenka.
Evakujavanyja kala 380 čałaviek.
Udar prakamientavaŭ u svaim telehram-kanale i Uładzimir Zialenski.
«Byŭ udar pa składzie z nastupnaj detanacyjaj. Na žal, jość značnyja razbureńni navakolnaj infrastruktury: paškodžanyja žyłyja damy, pansijanat dla pažyłych ludziej i ludziej ź invalidnaściu», — napisaŭ prezident Ukrainy.
Rasijskaje Ministerstva abarony śćviardžaje, što była atakavanaja vioska Miłaja, dzie znachodziŭsia skład bojeprypasaŭ. Na im, pavodle rasijskaha Minabarony, «zachoŭvalisia detali i startavyja paskaralniki dla bieśpiłotnych latalnych aparataŭ vialikaj dalokaści FP-1/FP-2».
Niezaležnych paćviardžeńniaŭ hetaj infarmacyi niama.
Premjer-ministr Ukrainy Siarhiej Karecki paraŭnaŭ toje, što adbyłosia ŭ Miłaj, z vybucham i nastupnym pažaram u Višniovym 6 lipienia, dzie byŭ atakavany skład bojeprypasaŭ, raźmieščany niedaloka ad žyłych damoŭ. Jon zajaviŭ pra «złačynnuju chałatnaść».
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary