«Čynoŭniki, jakija supracoŭničali z savieckimi śpiecsłužbami, pavinny być nieadkładna zvolnieny». Prezident Polščy padpisaŭ zakon ab masavaj lustracyi dziaržsłužačych
Prezident Polščy Andžej Duda padpisaŭ zakon, pavodle jakoha ŭsie ciapierašnija čynoŭniki, jakija raniej pracavali ci supracoŭničali z savieckim KDB i inšymi śpiecsłužbami, pazbaŭlajucca mahčymaści pracavać na dziaržsłužbie.
20 červienia vydańnie Portal Samorzadowy i inšyja polskija miedyja paviedamili, što ŭ Polščy była pryniata papraŭka da Zakona ab dziaržaŭnaj słužbie, jakaja praduhledžvaje lustracyju ŭsich dziejnych dziaržsłužačych pa prykmiecie supracoŭnictva z savieckimi śpiecsłužbami ŭ hady Polskaj Narodnaj Respubliki.
Heta papraŭka była padpisanaja prezidentam Polščy Andžejem Dudam jašče 14 červienia i praduhledžvaje zvalnieńnie ŭsich «čyrvonych» čynoŭnikaŭ (asabliva tych, što naradzilisia da 1 žniŭnia 1972 hoda) razam z pazbaŭleńniem ich prava zajmać jakija-niebudź dziaržaŭnyja pasady.
«Usie ciapierašnija polskija dziaržsłužačyja, jakija ŭ pieryjad z 22 lipienia 1944-ha pa 31 lipienia 1990 hoda padčas isnavańnia Polskaj Narodnaj Respubliki (PNR) mahli supracoŭničać ci pracavać na savieckija śpiecsłužby, pavinny padać lustracyjnuju dekłaracyju ciaham 30 dzion paśla ŭstupleńnia ŭ zakonnuju siłu adpaviednaj papraŭki.
Heta dekłaracyja praduhledžvaje dobraachvotnuju pieradaču źviestak ab svaim supracoŭnictvie abo pracy ŭ orhanach biaśpieki PNR i SSSR, paśla padačy jakich na praciahu 15 dzion pracoŭnyja adnosiny z čynoŭnikam buduć skasavanyja. Toje ž samaje čakaje i tych dziaržsłužačych, jakija nie padaduć adpaviednych źviestak da zakančeńnia terminu», — havorycca ŭ papraŭcy da Zakona ab dziaržsłužbie, jakuju niadaŭna padpisaŭ prezident Polščy.
Kali ž čynoŭnik vyrašyć utaić fakty svajho supracoŭnictva abo pracy na savieckija śpiecsłužby, to, zhodna z papraŭkaj, jaho buduć 5 miesiacaŭ praviarać u Instytucie nacyjanalnaj pamiaci Polščy. U vypadku paćviardžeńnia supracoŭnictva čynoŭnika čakaje takoje ž imhniennaje zvalnieńnie razam z pazbaŭleńniem prava zajmać lubyja dziaržaŭnyja pasady.
Heta papraŭka, na dumku Andžeja Dudy i polskich parłamientaryjaŭ, dapamoža značna «debiurakratyzavać i abaranić» uvieś dziaržaparat Polščy. Jana nabudzie zakonnuju moc praz try miesiacy paśla aficyjnaha apublikavańnia.
Pavodle padlikaŭ polskich miedyja, novaja papraŭka pazbavić pracy kala 40 tysiač čynoŭnikaŭ pa ŭsioj Polščy.
Z 1 lipienia Polšča admianiaje stan epidemičnaj pahrozy, heta maje značeńnie dla mnohich biełarusaŭ
Prezident Polščy zajaviŭ, što jaho kraina budzie zmahacca za vyzvaleńnie ŭsich biełaruskich palitviaźniaŭ
Cichanoŭskaja nie vyklučaje, što paprosić dapamohi asabista ŭ Zialenskaha ŭ vajennym vyzvaleńni Biełarusi
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi46
Kamientary
Jość padazreńnie, što ŭ zakona dvajnoje dno - pad jaho nieskładana padahnać "niaŭhodnych"