Minčuk pamačyŭsia ŭ centry stalicy na manumient Fiłaretu. Što vyrašyŭ sud
Poźnim viečaram małady čałaviek špacyravaŭ pa Niamizie, vypiŭšy paŭlitra likioru i dva litry napoju. Niečakana jamu spatrebiłasia spravić patrebu, i jon ničoha lepšaha nie prydumaŭ, jak zrabić heta na manumient «200 hadoŭ Minskaj jeparchii Fiłareta — mitrapalita Minskaha i Słuckaha ekzarcha». Pry hetym jaho nie źbiantežyła vialikaja kolkaść ludziej pablizu.
Da jaho padyšli supracoŭniki milicyi i zapatrabavali spynić supraćpraŭnyja dziejańni. Złamyśnika dla dalejšaha razboru dastavili ŭ Centralnaje RUUS, u dačynieńni da jaho raspačali kryminalnuju spravu, jak pišuć «Minsk-Naviny».
— Abvinavačany pracuje inžynieram-prahramistam, raniej da kryminalnaj adkaznaści nie pryciahvaŭsia. U sudovym pasiadžeńni vinu pryznaŭ całkam, u zroblenym raskajaŭsia i skazaŭ, što takija pavodziny dla jaho nie charakternyja, — prakamientavaŭ namieśnik prakurora Centralnaha rajona Andrej Nikolski.
Sud pryznaŭ jaho vinavatym u chulihanstvie, i na padstavie č. 1 art. 339 KK Respubliki Biełaruś pryznačyŭ pakarańnie ŭ vyhladzie dvuch miesiacaŭ aryštu.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary