Biełaruskija kardyjołahi asvoili novuju technałohiju dla praduchileńnia raptoŭnaj śmierci serca
Majstar-kłas pa impłantacyi całkam padskurnaj sistemy kardyjaviertara-defibrylatara pacyjentu z vysokaj ryzykaj raptoŭnaj sardečnaj śmierci prajšoŭ u RNPC «Kardyjałohija». Takija apieracyi ŭ Biełarusi raniej nie vykonvalisia.
Biełaruskija kardyjołahi asvoili novuju technałohiju dla praduchileńnia raptoŭnaj sardečnaj śmierci, jak piša BiełTA.
Majstar-kłas pa impłantacyi całkam padskurnaj sistemy kardyjaviertara-defibrylatara pacyjentu z vysokaj ryzykaj raptoŭnaj sardečnaj śmierci prajšoŭ u RNPC «Kardyjałohija».
Paśla apieracyi pacyjent adčuvaje siabie zdavalniajuča i praciahvaje lačycca ŭ kardyjałahičnym adździaleńni centra.
Umiašańnie vykanała internacyjanalnaja bryhada chirurhaŭ: renthienendavaskularny chirurh adździeła arytmałohii centra Dźmitryj Anasovič i sardečna-sasudzisty chirurh adździeła sardečna-sasudzistaj chirurhii NDI kliničnaj kardyjałohii Ministerstva achovy zdaroŭja Rasii Ihar Hryšyn.
Jak tłumačycca, impłantavanyja kardyjaviertary-defibrylatary (IKD) šyroka vykarystoŭvajucca dla praduchileńnia raptoŭnaj śmierci ŭ pacyjentaŭ, jakija pieranieśli niebiaśpiečnyja dla žyćcia arytmii abo pieražyli raptoŭnaje spynieńnie serca. Pry tradycyjnaj technałohii elektrody IKD uvodziacca niepasredna ŭ połaść serca pacyjenta. Adnak u niekatorych kliničnych situacyjach vykarystańnie ŭnutrysardečnaha IDK procipakazanaje ci nie ličycca pieravažanym.
U hetych vypadkach lepš impłantavać padskurnuju sistemu IKD, bo pry znachodžańni defibrylujučaha elektroda ŭ połaści serca jość ryzyka raźvićcia niekatorych uskładnieńniaŭ. Padskurnuju sistemu značna lahčej vydalić abo zamianić biez ryzyki niebiaśpiečnych dla žyćcia paškodžańniaŭ.
Takim čynam, u arsienale biełaruskich kardyjołahaŭ źjaviŭsia jašče adzin efiektyŭny i biaśpiečny instrumient, jaki dazvalaje praduchilić raptoŭnuju sardečnuju śmierć.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary