Kala Zaparožža ŭ abmialełaj paśla padryvu Kachoŭskaj HES zonie Dniapra znajšli staražytny dubovy čovien
U Zaparožskaj vobłaści padčas abśledavańnia abmialełaj u vyniku padryvu Kachoŭskaj HES bierahavoj zony vyjavili dubovy čovien, uzrost jakoha moža dasiahać bolš za 1000 hadoŭ. Pra heta padčas bryfinhu skazała v. a. hiendyrektara Nacyjanalnaha zapaviednika «Chorcica» Śviatłana Achrymienka, jak paviedamlaje «Ukrinfarm».
«Supracoŭniki zapaviednika padčas čarhovaha abśledavańnia na raniej zatoplenym učastku bieraha znajšli dubovy čovien. Čovien znachodziŭsia na zrezie vady i ŭvieś čas to vysychaŭ, to namakaŭ. Jaho pieramiaścili ŭ restaŭracyjny anhar dla praviadzieńnia kansiervacyjnych rabot», — skazała śpiecyjalistka.
Pa słovach navukovaha supracoŭnika Nacyjanalnaha zapaviednika Aleha Tubolcava, takich čoŭnaŭ na terytoryi Ukrainy vyjavili kala 30.
Znojdzieny čovien vyrableny z sucelnaha stvała duba, jaho daŭžynia — 6 mietraŭ 80 sm, vyšynia bartoŭ — kala paŭmietra.
Jak adznačałasia padčas bryfinhu, u minułym kala bierahoŭ vostrava Chorcica znachodzili padobnyja čaŭny, źviazanyja sa staražytnaruskim pasieliščam na im. Jano isnavała z X pa XIV stahodździe. Takija čaŭny vykarystoŭvalisia dla rybałoŭstva i inšych promysłaŭ, miascovych pieravozak, a taksama dla absłuhoŭvańnia pierapraŭ.
Znachodka była ŭ vielmi drennym stanie. Pa stanie zachavanaści draŭniny ekśpierty miarkujuć, što ŭzrost łodki moža dasiahać bolš za 1000 hadoŭ. Ale bolš dakładnaje datavańnie stanie mahčymym paśla praviadzieńnia radyjevuhlarodnaha analizu. Na čoŭnie jość niejkija asobnyja simvały, ale što jany aznačajuć, pakul niezrazumieła.
Čovien pa častkach pieramiaścili ŭ restaŭracyjny anhar. Ciapier jon maje patrebu ŭ terminovaj kansiervacyi, apracoŭcy śpiecyjalnym chimičnym rastvoram i ŭ dalejšaj restaŭracyi, kab stać muziejnym ekspanatam.
«Korpus čoŭna zachavaŭsia na 70%. Padčas raskopak jon raskłaŭsia na niekalki elemientaŭ. Pracy šmat napieradzie. Budziem spadziavacca, što ŭsio budzie dobra i my hetuju słavutaść zachavajem», — adznačyŭ udzielnik ekśpiedycyi, padčas jakoj čovien byŭ vyjaŭleny.
Raniej paviedamlałasia, što ŭ vyniku padryvu rasijanami Kachoŭskaj HES u Dniapry pačaŭ rezka źnižacca ŭzrovień vady. Dla vyjaŭleńnia pomnikaŭ historyi i archieałohii, jakija znachodzilisia na zatoplenych učastkach, supracoŭniki Nacyjanalnaha zapaviednika «Chorcica» viaduć štodzionny manitorynh prybiarežnaj pałasy.
Na raskopkach u Biełarusi znajšli śvistulku, jakoj 400 hadoŭ, i adnavili jaje huk. Vy pasłuchajcie!
Padčas raskopak na miescy staroha Mienska znajšli tysiačahadovy hrabieńčyk
Vučonyja znajšli samy staražytny nadpis, zrobleny kirylicaj
Draŭlany fałas zmusiŭ inakš pahladzieć na seksualnaje žyćcio staražytnych rymlan
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča10
Kamientary