Japonija pracuje nad stvareńniem najchutčejšaha ŭ śviecie ciahnika L0 Series. Na vyprabavańniach hety ciahnik moža raźvivać chutkaść da 603,5 km/h, što robić jaho chutčejšym za lubyja najaŭnyja ciahniki, u tym liku kitajski mahleŭ u Šanchai, jaki dasiahaje 460,2 km/h. Dla paraŭnańnia, u Jeŭropie samyja chutkija ciahniki TGV u Francyi i AGV Italo ŭ Italii jeduć nie chutčej za 306—354 km/h, piša Euronews.
Ciahnik L0 Series vykarystoŭvaje mahnitnuju levitacyju (mahleŭ), dziakujučy jakoj vahony «levitujuć» nad rejkami i ruchajucca z dapamohaj elektramahnitnaha pryvadu. Kambinujučy elektryčnaść i mahnity, hety mietad dazvalaje ciahniku ślizhać u pavietry na raniej niejmaviernych chutkaściach.
Heta dazvalaje dasiahać nievierahodnych chutkaściaŭ i źmienšyć čas pajezdak: maršrut Tokia — Nahoja budzie zajmać usiaho 40 chvilin, a Tokia — Osaka — kala hadziny. Siońnia padarožža na hetych maršrutach zajmaje 1,5—4 hadziny.
Prajekt vielmi darahi — na jaho ŭžo vydatkavali kala 59,9 miljarda jeŭra i płanavali skončyć u 2027 hodzie, ale bolš realistyčnaja data adkryćcia — 2034—2035 hady.
Što da pieranosu hetaha vopytu ŭ Jeŭropu, to jość sumnievy, što taki ciahnik budzie ŭ joj nadta zapatrabavany. L0 Series patrabuje vialikich inviestycyj i śpiecyjalnaj infrastruktury: jon nie moža chadzić pa ciapierašnich rejkach, a častku daroh treba prakłaści praz novyja tuneli. Akramia taho, jon bolš enierhazatratny i maje mienšuju pasažyrskuju jomistaść, što robić jaho składanym dla akupalnaści ŭ jeŭrapiejskich umovach.
U Minsk znoŭ viartajucca haradskija elektryčki
Pad Barsiełonaj syšoŭ z rejek ciahnik, zahinuŭ mašynist, dziasiatki ludziej paranieny
Bolš za 20 čałaviek zahinuli na poŭdni Ispanii ŭ čyhunačnaj katastrofie
Za nastupnuju piacihodku ŭ Biełarusi płanujuć abnavić čyhunačny transpart i račny fłot
Biełaruskija čyhunačniki čyściać šlachi śpiecyjalnym ciahnikom
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary