Amierykanski lidar zajaviŭ, što Uładzimir Zialenski paćvierdziŭ hatoŭnaść zaklučyć mirnuju damovu. Pra heta Donald Tramp padčas razmovy z žurnalistami na borcie samalota Air Force One, piša «Ukrainskaja praŭda».
«Jon (Zialenski) skazaŭ, što chacieŭ by zaklučyć damovu. Ułasna, tut asabliva i dadać niama čaho. Usie paramietry viadomyja. Heta nie tak, byccam my abmiarkoŭvajem niešta novaje — hetyja pytańni abmiarkoŭvajucca ŭžo 6—7 miesiacaŭ. Jon pryjechaŭ i skazaŭ, što choča damovicca», — skazaŭ prezident ZŠA.
Pavodle słoŭ Trampa, u padpisańni damovy isnuje pieraškoda — «taja samaja, što i na praciahu ŭsiaho apošniaha hoda». Tramp nazvaŭ «vielmi dobraj» sustreču z prezidentam Ukrainy Uładzimiram Zialenskim u Davosie.
Taksama Tramp paviedamiŭ, što na sustrečy ź Zialenskim nie abmiarkoŭvałasia patencyjnaje siabroŭstva Ukrainy ŭ stvarajemaj im Radzie miru — arhanizacyi, da jakoj pakul nie dałučyŭsia nivodzin z tradycyjnych zachodniejeŭrapiejskich sajuźnikaŭ ZŠA.
Ukraina atrymała zaprašeńnie ŭ arhanizacyju, ale pakul razvažaje nad im.
Sustreča Zialenskaha i Trampa prajšła ŭčora ŭ Davosie i doŭžyłasia prykładna 50 chvilin. U kamandzie Zialenskaha nazvali jaje dobraj.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary