Siabar Usiera Anatol Vajciachoŭski paprasiŭ dapamohi ŭ polskaha sudździ-ŭciekača Tomaša Šmita
Razam jany rychtujuć dakumienty dla zvarotu ŭ prakuraturu Polščy pa spravie ab hibieli Usiera.
Anatol Vajciachoŭski — były pradprymalnik, jaki ŭ 2023 hodzie byŭ evakujavany «Bajsołam» z-za palityčnaha pieraśledu i staŭ aktyvistam biełaruskaj supolnaści Biełastoka. Niadaŭna jon tajemna viarnuŭsia ŭ Biełaruś, zabraŭšy z saboj dakumienty pa kryminalnaj spravie svajho pamierłaha susieda Uładzimira Usiera, jakoha polskija ŭłady padazravali ŭ špijanažy.
Siońnia Vajciachoŭski paviedamiŭ, što źviarnuŭsia pa pravavuju padtrymku ŭ fond «Polskaja praŭda», zasnavany palakam-uciekačom Tomašam Šmitam.
Zhodna ź infarmacyjaj z karotkaha videa, jakoje Vajciachoŭski apublikavaŭ na svajoj staroncy ŭ fejsbuku, jany supolna rychtujuć zvaroty ŭ Hienieralnuju prakuraturu i inšyja dziaržaŭnyja orhany Polščy.
«Ja jak adziny śviedka hatovy dać pakazańni ab zatrymańni Uładzimira Usiera polskimi śpiecsłužbami», — zajaviŭ mužčyna.
Vajciachoŭski adznačyŭ, što maje namier dać padrabiaznyja śviedčańni polskaj prakuratury, paviedamić usie viadomyja fakty i spryjać vyznačeńniu iściny, a taksama pryciahnieńniu vinavatych da adkaznaści ŭ adpaviednaści z polskim zakanadaŭstvam.
«Ja asabista zaniaŭsia hetym pytańniem i ŭpeŭnieny, što ŭ bližejšy čas vinavatyja paniasuć zasłužanaje pakarańnie», — dadaŭ jon.
Nahadajem, Tomaš Šmit pracavaŭ sudździoj Administracyjnaha vajavodskaha suda ŭ Varšavie. U mai 2024 hoda jon źbieh u Biełaruś i paprasiŭ palityčnaha prytułku, jaki ŭ kancy hoda jamu daŭ Łukašenka. U Biełarusi Šmit aktyŭna vystupaje ŭ dziaržaŭnych ŚMI, pracuje ŭ BiełTA i zasnavaŭ ułasny fond «Prawda Polska».
Anatol Vajciachoŭski spakojna pryjechaŭ u Biełaruś rejsavym aŭtobusam
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy
Polski sudździa-pierabiežčyk: «Idyjoty ź Biełarusi nikoli hetaha nie zrazumiejuć. Ciapier ja raźvitvajusia»
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary