Apytańnie: bolš za pałovu jeŭrapiejcaŭ ličać Trampa «voraham Jeŭropy»
Pavodle vynikaŭ apytańnia, praviedzienaha ŭ šerahu jeŭrapiejskich krain, bolš za pałovu žycharoŭ Jeŭropy ŭsprymajuć Donalda Trampa jak voraha Jeŭropy. Daśledavańnie było arhanizavana paśla jaho zajaŭ i pahroz uziać pad kantrol Hrenłandyju, piša «Jeŭrapiejskaja praŭda».
Apytańnie achapiła siem krain i było praviedziena dla paryžskaj płatformy Le Grand Continent, jakaja zajmajecca abmierkavańniem jeŭrapiejskich pytańniaŭ.
51% respandentaŭ nazvali prezidenta ZŠA «voraham», u toj čas jak «siabram» jaho ličać tolki 8%. Jašče 9% adznačyli, što jon dla ich ni siabar, ni vorah, a 2% nie zmahli adkazać.
Najbolš niehatyŭna da Trampa staviacca ŭ Ispanii i Danii — u abiedźviuch krainach 58% apytanych ličać jaho voraham. U Bielhii takuju pazicyju zaniali 56% respandentaŭ. U Francyi i Hiermanii pakazčyki krychu nižejšyja — 55% i 53% adpaviedna. U Italii Trampa niehatyŭna ŭsprymajuć 52% udzielnikaŭ apytańnia.
Asobna vyłučajecca Polšča: tam tolki 28% ličać jaho voraham Jeŭropy, adnak i «siabram» jaho nazvali ŭsiaho 17% apytanych.
Akramia taho, udzielnikaŭ apytańnia spytali, nakolki, na ich dumku, Tramp prytrymlivajecca demakratyčnych pryncypaŭ. Amal pałova — 44% — ličać jaho dyktataram. Tolki 10% miarkujuć, što jon pavažaje demakratyju. U Francyi, Hiermanii, Ispanii i Italii hetaja acenka pahoršyłasia na 7 pracentnych punktaŭ u paraŭnańni sa śniežniem. Navat u Polščy tolki 13% respandentaŭ upeŭnienyja, što Tramp dziejničaje ŭ miežach demakratyčnych normaŭ.
Apytańnie pravodziłasia z 13 pa 19 studzienia — užo paśla zajaŭ Trampa pra namier ustalavać kantrol nad Hrenłandyjaj.
Taksama adznačajecca, što ŭ Hiermanii bolšaść nasielnictva nie daviaraje ZŠA amal tak ža, jak i Rasii: niedavier da Amieryki vykazali 76% niemcaŭ, u toj čas jak da Rasii — 83%. A ŭ Vialikabrytanii amal pałova apytanych ličyć Donalda Trampa pieraškodaj na šlachu da miru va Ukrainie.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary
Nu, a Tramp, s jeho diejatielnoj enierhijej, koniečno vrah dla takich.
Napeŭna tamu što palaki adčuvajuć, što nastupnaj mišeńniu dla Rasiei buduć jany. Tamu ich nie šakuje i nie aburaje, što Tramp litaralna prymusiŭ Jeŭropu pačać niešta rabić dla abarony ŭłasnaha kantynientu samastojna.