Habryelus Łandśbierhis: Cichanoŭskaja nikoli nie adstupała, nikoli nie bajałasia
Takim mierkavańniem były ministr zamiežnych spraŭ Litvy padzialiŭsia ŭ fejsbuku.
Łandśbierhis napisaŭ, što rady, što Śviatłanie Cichanoŭskaj prapanavana abarona ŭ Polščy, ale jamu sumna, što litoŭski ŭrad vyrašyŭ admovicca ad hetaj važnaj roli.
«Śviatłana pryjechała ŭ Litvu ŭ 2020 hodzie i adrazu pačała svaju pracu. Ja mieŭ pryvilej pracavać pobač ź joj i bačyŭ zmaharku. Nikoli nie adstupała, nikoli nie bajałasia, zaŭsiody była dakładna zasiarodžanaja na svajoj mecie — svabodzie svajoj nacyi.
I heta nikoli nie było lohka. Byli zachodnija partniory, jakich treba było pierakonvać, byli biełarusy, jakija nie zaŭsiody byli hatovyja daviarać jaje lidarstvu. Ale ja bačyŭ, jak jana niastomna pierakonvała zachodnija stalicy nie advaročvacca ad pakut biełaruskaha naroda. Ja byŭ śviedkam taho, jak jana budavała kaalicyi ŭnutry biełaruskaj apazicyi. Nie było nivodnaj prapuščanaj kanfierencyi ci sustrečy. Zaŭsiody hučaŭ hołas volnaha biełaruskaha naroda. Jana i była hetym hołasam», — napisaŭ jon.
Palityk kaža, što Cichanoŭskaja kožny raz, kudy b jana ni jechała, z hodnaściu zhadvała Litvu.
«Paśla jaje vystupu ŭ parłamiencie adnoj ź jeŭrapiejskich krain vysokapastaŭleny dypłamat z žartam skazaŭ, što ŭ asobie Śviatłany my majem nieacennaha litoŭskaha ambasadara. Paśla jaje pramovy deputaty taho parłamienta dumali nie tolki pra narod Biełarusi, ale i pra maju krainu — Litvu. Hetaja staronka historyi majoj krainy zaviaršajecca. Ja rady, što jana budzie praciahnutaja ŭ Jeŭropie, u Polščy — dla Śviatłany i dla ŭsich zmaharoŭ za demakratyju. Ja ŭdziačny za heta, žadaju joj usiaho najlepšaha ŭ dalejšaj misii dziela Biełarusi i nazaŭsiody zastanusia ŭdziačny za ŭsio, što jana zrabiła dla Litvy», — dadaŭ jon.
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
Biełaruś naša siniavokaja i śvietłavokaja. I lidarka naša imiom Śviatłana, što pachodzić ad słova śviet. A, kramia taho, śviet u našaj movie heta jašče i mir, usialennaja, kosmas.
Usio tut u nas syšłosia dla lepšaj doli. Astałoś tolki pažadać joj pośpiechau u pracy na karyść Biełarusi. I troški paspačuvać, bo ciažkuju nošu jana uzvaliła na svaje plečy.
P.S. I, asabista majo pažadańnie. Nikomu z akružeńnia nie daviaraj. Čym vyšej padymajecca čałaviec, tym bolš u jaho lsciucau i niadobrazyčliucau. I tut, hałounaje, nie rassłablacca.