Biełarus atrymaŭ hramadzianstva Francyi z praterminavanym biełaruskim pašpartam
Biełarus, jaki ŭžo doŭhi čas žyvie ŭ Francyi, atrymaŭ stanoŭčy adkaz u hramadzianstvie paśla treciaha zapytu, piša «Biełsat».
Heta pieršy padobny vypadak, paviedamlaje jurystka pa administratyŭnym pravie, pravach zamiežnikaŭ i pravie na prytułak u Francyi Katryn Bare.
Jurystka adznačaje, što pieršyja dva razy biełarus padavaŭsia na francuzskaje hramadzianstva jašče z aktualnym pašpartam Biełarusi, ale atrymlivaŭ časovaje adkładańnie (ajournement) na dva hady.
«Treci raz novaje daśje było padadziena na papiery paśla taho, jak prefiektura zhubiła ličbavy zapyt anłajn. Na sumoŭi pa hramadzianstvie ŭ prefiektury ahient dakładna raspytaŭ pra abstaviny niemahčymaści atrymańnia novaha pašparta RB i atrymaŭ ad biełarusa abhruntavanyja adkazy i adpaviednyja daviedki. Sprava była razhledžanaja mienš za hod, i ŭ studzieni jaho proźvišča było abvieščana ŭ dekrecie ab hramadzianstvie.
Heta pieršy vypadak dla biełarusaŭ Francyi, i ja ŭpeŭniena, što Francyja i nadalej budzie stavicca z asablivaj uvahaj da situacyi biełarusaŭ u zamiežžy. Vinšujem jaho i ŭsiu jaho siamju z doŭhačakanaj navinoj!», — napisała Katryn Bare.
Raniej stała viadoma, što pryznavać biełaruskija pašparty, u jakich skončyŭsia termin dziejańnia, vyrašyła Ispanija.
Ispanija budzie pryznavać praterminavanyja pašparty biełarusaŭ
«DNŽ — heta pryvilej, a nie prava». Novaja kiraŭnica Departamienta mihracyi Litvy adkazała na pytańni, aktualnyja i dla biełarusaŭ
Zaraz dla atrymańnia pašparta pa ŭzroście da 27 hadoŭ zapatrabujuć daviedku z vajenkamata
Jak za apošni hod źmianiłasia kolkaść biełarusaŭ z DNŽ u Polščy? Cikavaja tendencyja
U Polščy raście kolkaść admoŭ biełarusam u vydačy prajaznoha dakumienta. U čym pryčyna?
Kamientary
Niejki prachadzimiec skarystaŭsia situacyjaj.
Na što heta ŭpłyvaje?
Tak pieramožam?