Arcybiskup Hudžeroci pryznaŭsia ŭ Budsłavie, što za miažoj vielmi sumavaŭ pa biełaruskich dranikach
1 lipienia śviatuju imšu na sioletnim feście ŭ Budsłavie ŭznačaliŭ Prefiekt dykasteryi pa spravach Uschodnich kaściołaŭ arcybiskup Kłaŭdya Hudžeroci, jaki ŭ 2011-2015 hadach byŭ apostalskim nuncyjem u Biełarusi. Jon padzialiŭsia z haściami festu ŭspaminami, jak piša catholic.by.
Paśla adjezdu ź Biełarusi jon byŭ apostalskim nuncyjem va Ukrainie, paśla ŭ Vialikabrytanii, potym viarnuŭsia ŭ Vatykan.
«Idučy, vy adčuvali pach vašaj ziamli. Nie prymicie heta za žart, ale kali ja dumaju pra hetuju ziamlu, ja dumaju pra vašu bulbu. Vy viedajecie, što vaša bulba stała vielmi viadomaj navat za miažoj…» — raskazaŭ Kłaŭdya Hudžeroci.
«Hetaja suviaź ź ziamloj dla mianie aznačaje kapać bulbu, — pramoviŭ pa-biełarusku papski pasłańnik. — Ja dumaju pra toje, što adbyvajecca z vašaj bulbaj. Ja pakaštavaŭ los bulby. Viedajecie jaki? Jaki zakančvajecca ŭ rukach vašych matul i babul, kali ź jaje atrymlivajucca draniki. Ja maryŭ pra draniki z taho času, jak vyjechaŭ adsiul.
Kolki razoŭ, adpaviednaju paroju jedučy vašymi darohami, praz vašy vioski, ja pytaŭsia: «Kudy jedzieš?» I mnohija ludzi: sialanie, rabočyja, a taksama studenty, vykładčyki ŭniviersitetaŭ kazali mnie: «Heta čas bulby, i my jedziem kapać bulbu», — pa-biełarusku skazaŭ ijerarch. — Bačycie darahija braty i siostry: kapać — heta vielmi važny dziejasłoŭ, tamu što datyčyć nie tolki bulby. Jon datyčyć i našaj dušy.
Kožny z vas paklikany kapać u hłybini siabie, kab zrazumieć siabie paasobku i jak narod, kab adkryć, adkul pachodzić vaša nadzieja, jakuju nichto ŭ vas nie moža zabrać.
Viedajecie čamu? Tamu što jana vycisnutaja ŭ vašych sercach. Tam jość Božaje abličča, tamu što vy byli stvoranyja pavodle vobrazu i padabienstva Boha. Tam zapisanaja nieparušnaja hodnaść kožnaj čałaviečaj istoty, jakuju asabista lubić Pan Boh», — zaznačyŭ papski pasłańnik.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ55
Kamientary