Dla Łukašenki nie vielmi biaśpiečna davać prytułak vahnieraŭcam u Biełarusi — eks-kiraŭnik MZS Litvy
Były ministr zamiežnych spraŭ Litvy Linas Linkiavičus taksama miarkuje, što Uładzimir Pucin naškodziŭ sabie i źmienšyŭ mahčymaści hibrydnych apieracyj z udziełam vahnieraŭcaŭ, kali pryznaŭ dziaržaŭnaje finansavańnie PVK.
Linkiavičus u intervju «Jeŭrapiejskaj praŭdzie» adznačyŭ, što nie vielmi vieryć u niejkuju dziejnaść PVK «Vahnier» u Biełarusi i miarkuje, što jany adtul pieramieściacca kudyści jašče, kali tolki Rasija nie navažycca zadziejničać ich dla hibrydnych vajskovych pravakacyj.
Adnak paśla zajaŭ Pucina, dzie kiraŭnik Kramla raskryŭ krynicu finansavańnia PVK «Vahnier», na dumku Linkiavičusa, ryzyka hetaha ŭžo značna mienšaja.
«Heta była vialikaja pamyłka, bo tam ža kryminalnyja pytańni. U dadatak da taho, što jon užo zrabiŭ, da najaŭnych abvinavačańniaŭ u vajennych złačynstvach majem dadatkovyja złačynstvy. Bo jon pryznaŭ, što całkam finansavaŭ hetuju hrupu na miljardy ŭ hod ci navat bolš, a heta šmat. Heta dakazvaje, što heta była nie asobnaja armija, a «ruka Kramla». I zaraz, što b ni rabiŭ Pryhožyn, jakija b pravakacyi nie adbylisia, budzie vielmi niaprosta pierakanaŭča kazać, što ŭrad Rasii tut ni pry čym», — adznačyŭ Linas Linkiavičus.
Jon taksama ličyć, što dla Łukašenki nie vielmi biaśpiečna dazvolić vahnieraŭcam znachodzicca ŭ Biełarusi praciahły čas, i niezrazumieła, jakaja ad hetaha jamu vyhada.
«U ich jość bajavy dośvied, i kolki b hetych bajcoŭ ni było, jany niebiaśpiečnyja. Tamu dla Łukašenki ja plusoŭ nie baču», — skazaŭ Linkiavičus.
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?2020
Kamientary