Ukraincy za piać tydniaŭ vyzvalili amal stolki terytoryi, kolki rasijanie zachapili za paŭhoda
Jak ukrainskija, tak i rasijskija krynicy ŭ apošnija dni pakazvajuć na toje, što Ukraina zavajoŭvaje pazicyi ŭ rajonie Bachmuta i na jaho paŭdniova-zachodnich fłanhach, uklučajučy śpiecyfičnyja asablivaści reljefu, jakija mohuć dać ukrainskim siłam ahniavuju pieravahu.
Analityki Instytuta vyvučeńnia vajny (ISW) padličyli, što siły abarony za piać tydniaŭ kontrnastupleńnia vyzvalili stolki terytoryi, kolki rasijanie zachapili za paŭhoda.
U spravazdačy ŭkazvajecca, što ŭkrainskija aficyjnyja asoby zajavili 10 lipienia, što siły abarony majuć ahniavy kantrol nad Bachmutam i rasijskimi naziemnymi linijami suviazi vakoł horada.
Jak ukrainskija, tak i rasijskija krynicy ŭ apošnija dni pakazvajuć na toje, što Ukraina zavajoŭvaje pazicyi ŭ rajonie Bachmuta i na jaho paŭdniova-zachodnich fłanhach, uklučajučy śpiecyfičnyja asablivaści reljefu, jakija mohuć dać ukrainskim siłam ahniavuju pieravahu.
Akramia taho, jak paviedamlajuć analityki, ukrainskija vojski 10 lipienia pravodzili kontrnastupalnyja apieracyi sama mieniej na troch učastkach frontu.
Z pačatku ŭkrainskaha kontrnastupu 4 červienia, pa padlikach ISW, zroblenym na asnovie ŭłasnych danych kantrolu za miascovaściu, ukrainskija vojski advajavali prykładna 253 kvadratnyja kiłamietry terytoryi. U ahladzie ŭdakładniajuć, što ŭkrainskija źviestki adroźnivajucca ad źviestak ISW z-za roznych padychodaŭ da padlikaŭ.
Takim čynam, jak adznačajuć ekśpierty, z 1 studzienia rasijskija vojski zachapili ahułam 282 kvadratnyja kiłamietry na ŭsioj terytoryi bajavych dziejańniaŭ.
Za piać tydniaŭ ukrainskija siły vyzvalili amal stolki ž terytoryi, kolki rasijskija vojski zachapili za šeść miesiacaŭ.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary