Uitkaf i Kušnier zapeŭnili Zialenskaha, što Pucin hatovy da pieramoŭ
Prezident Ukrainy Uładzimir Zialenski paśla sustrečy sa śpiecyjalnymi pradstaŭnikami Donalda Trampa zajaviŭ u intervju vydańniu Axios, što atrymaŭ ad ich paviedamleńnie pra hatoŭnaść Rasii viarnucca da pieramoŭ.
6 vieraśnia ŭ Kijevie Zialenski sustreŭsia sa Styvam Uitkafam i Džaredam Kušnieram. Napiaredadni jany praviali sustreču ŭ Maskvie z Uładzimiram Pucinym.
Pa słovach Zialenskaha, amierykanskija pradstaŭniki pieradali, što rasijski bok hatovy abmiarkoŭvać dalejšaje prasoŭvańnie pieramoŭnaha pracesu.
Adnak ukrainski prezident zastajecca adnosna hetaha skieptyčnym, bo dziejańni Rasii na froncie i ŭzmacnieńnie atak nie vyhladajuć jak padrychtoŭka da kampramisu.
Razam z tym paśla razmoŭ z Uitkafam i Kušnieram Zialenski zrabiŭ vysnovu, što Pucin hatovy abmiarkoŭvać peŭnyja idei, jakija mohuć dapamahčy razbłakavać pieramoŭny praces.
Jon taksama raskazaŭ, što amierykanskija pradstaŭniki pryvieźli niekalki novych prapanoŭ. Častka ich tyčyłasia mahčymych krokaŭ dla źnižeńnia napružanaści z boku Rasii i Ukrainy napiaredadni zimy i ŭ jaje pieryjad. Siarod tem, jakija abmiarkoŭvajucca — enierhietyčnaja infrastruktura, pastaŭki zbožža, elektraenierhietyka, a taksama nafta i haz.
Zialenski paćvierdziŭ, što amierykanski padychod praduhledžvaje adnačasovaje adnaŭleńnie pieramoŭ i pošuk damoŭlenaściaŭ, jakija dazvolili b prajści zimu biez novaj surjoznaj eskałacyi. Meta, pavodle jaho słoŭ, — znajści miery, zdolnyja nablizić baki da miru.
Akramia taho, ZŠA padtrymlivajuć stvareńnie asobnaha «zimovaha pakieta» dapamohi dla Ukrainy. U jaho płanujuć uklučyć padtrymku supraćpavietranaj abarony i enierhietyčnaha siektara, a taksama pastaŭki zvadkavanaha pryrodnaha hazu i mahčymyja kroki pa deeskałacyi.
Tym časam krynica ŭ Jelisiejskim pałacy paviedamiła vydańniu «Jeŭrapiejskaja praŭda», što Pucin, pavodle ich infarmacyi, moža być hatovy pačać novy etap mirnych pieramoŭ paśla parłamienckich vybaraŭ u Rasii, jakija projduć 18—20 vieraśnia.
Paśla sustrečy ŭ Kijevie pradstaŭniki Francyi, Hiermanii i Vialikabrytanii razam z ukrainskimi kalehami taksama damovilisia ŭ najbližejšyja tydni padrychtavać umovy i prapanovy dla nastupnych pieramoŭ z Rasijaj.
Stali viadomyja detali pieramoŭ z Uitkafam i Kušnieram u Kijevie
U Maskvie i Kijevie prakamientavali vizit Uitkafa i Kušniera
Tramp siońnia budzie razmaŭlać ź Zialenskim i Pucinym
Zialenski raskazaŭ pra pieramovy z pasłancami Trampa
Uitkaf i Kušnier acanili sustreču ŭ Kijevie. Zialenski padaryŭ im futbołki z nadpisam «Kijivśkij riežim»
Uitkaf i Kušnier upieršyniu pryjechali va Ukrainu
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary