Siońnia dzień narodzinaŭ u Źmitra Daškieviča, jakoha na minułym tydni nie vypuścili z-za krataŭ
Palitviazień Źmicier Daškievič pavinien byŭ vyjści na volu na minułym tydni paśla 16 miesiacaŭ, praviedzienych za kratami. Ale jaho pakinuli za kratami pa artykule 411 KK (złosnaje niepadparadkavańnie patrabavańniam administracyi kałonii). Siońnia jamu spoŭniłasia 42 hady.

Doma palitviaźnia čakaje žonka i čaćviora dziaciej.
Raniej Źmitra Daškieviča razam z žonkaj Nastaj abvinavacili va ŭdziele ŭ akcyi pratestu 23 žniŭnia 2020 hoda. 14 lipienia 2022 hoda Źmitru pryznačyli 1,5 hoda kałonii, a Naście — 3 hady «chatniaj chimii».
Ciapier Źmitra Daškieviča, jak i inšych palitviaźniaŭ, adnosna jakich jašče nie było suda abo prysud nie nabyŭ mocy, možna padtrymać nastupnymi sposabami:
- Dasłać pasyłku z roznymi pryjemnymi drobiaziami i łasunkami.
- Zrabić hrašovy pierakaz. Hrošy, jakija buduć pieraličanyja na jahony rachunak u SIZA, piarojduć za im u kałoniju.
- Dasłać telehramu praz poštu abo pa numary telefona 166 (tolki z haradskoha).
- Praciahvać dasyłać słovy padtrymki praź listy i paštoŭki.
Padtrymać Źmitra: 222160, Žodzina, Savieckaja, 22A, Turma N8, Źmicier Viačasłavavič Daškievič.
Kamientary