Google ekśpierymientuje sa stvoranym štučnym intelektam fonam u Meet
Google ekśpierymientuje z hienieratyŭnaj funkcyjaj ŠI dla stvareńnia novaha fonu dla videavyklikaŭ Google Meet.
Novaja testavaja fiška dazvalaje karystalniku ŭvodzić padkazku dla stvareńnia fonu dla vykliku. Funkcyja, pieršuju infarmacyju pra jakuju apublikavaŭ adzin z karystalnikaŭ tvitara, — heta častka Google Workspace Labs. Heta aznačaje, što pakul tolki niekalki čałaviek, jakija ŭdzielničajuć u teście, zmohuć testavać i vykarystoŭvać hetuju funkcyju.
Google Meet is starting to roll out AI background image support.
"On Google Meet, you can use the “Generate a background” prompt to create background images using artificial intelligence. For example, you can ask Google Meet to create an illustration of a magical forest."
Jak tłumačycca na staroncy techpadtrymki Google, testavalniki majuć nacisnuć knopku «Užyć vizualnyja efiekty» > «Stvaryć fon» (Apply Visual Effects > Generate a background), i adkryjecca pole dla ŭvodu padkazki. Vy možacie ŭvieści padkazku nakštałt «Raskošny interjer haścioŭni» i navat vybrać styl: «Fatahrafija», «Ilustracyja» abo «Fantazija».
Taksama karystalnik zmoža pabačyć inšyja prapanovy dla zhienieravanych fonaŭ na asnovie vašaj padkazki. Kali ž karystalnik paličyć zhienieravany kantent niebiaśpiečnym, jon zmoža adpravić vodhuk u Google ab hetym.
Raniej Google ŭžo ekśpierymientavaŭ z hienieracyjaj fonu z dapamohaj ŠI. U pryvatnaści, kampanija anansavała hienieratyŭnyja ŠI špalery, kali karystalnik moža pieratvaryć tekst u malunak dla stvareńnia novych i aryhinalnych špaleraŭ dla svajoj mabilnaj pryłady. Darečy, kampanija Snap u krasaviku taksama prezientavała svaju funkcyju stvareńnia fonu na asnovie ŠI dla padpisčykaŭ Snapchat+, raspaviadaje Techcrunch.
U hetym hodzie pošukavy hihant vypuściŭ šyroki nabor funkcyj dla Google Meet, u tym liku emodzi-reakcyi, padtrymku strumianiovaj pieradačy 1080p i funkcyju spałučeńnia plitak. Apošniaja, naprykład, vyłučaje abiedźvie plitki, kali adzin z udzielnikaŭ havoryć, što palahčaje padklučeńnie surdapierakładčyka da pramoŭcy.
Kamientary