U vyniku vybuchu ŭ centry Tahanroha paciarpieli piatnaccać čałaviek, troje ź ich špitalizavanyja. Kiraŭnik Rastoŭskaj vobłaści Vasil Hołubieŭ zajaviŭ, što zahinułych niama.
Miascovyja ŚMI pišuć, što vybuchnuła ŭ dvary dziaržaŭnaha banka. Na miescy zdareńnia ŭtvaryłasia varonka pamierami 5 na 5 mietraŭ.
Aficyjnaj infarmacyi pakul niama.
Pavodle rastoŭskaha hubiernatara Vasila Hołubieva, kala kaviarni «Čechaŭ dvor» u dvary histaryčnaha budynka dziaržbanka, jak miarkujecca, vybuchnuła rakieta.
«Na miescy pracujuć ratavalniki. Zahinułych niama. Jość niekalki paciarpiełych, da jakich vyjechali bryhady chutkich. Čatyry čałavieki atrymali lohkija ranieńni ad raźbitaha škła. Infarmacyja pra škodu ŭdakładniajecca», — napisaŭ jon u telehram-kanale.
Na miescy vybuchu ŭtvaryłasia varonka hłybinioj niekalki mietraŭ. Pobač ź joj byli vyjaŭlenyja, jak paviedamlajecca, abłomki i paražalnyja elemienty, charakternyja dla rakiet sistem S-200 abo S-300.
Polšča pryznała Alaksandra Mašenskaha niepažadanaj asobaj27
Kamientary
https://www.unian.ua/russianworld/u-samari-progrimiv-vibuh-na-naftopererobnomu-zavodi-12343842.html