Rasijski ŭrad pryniaŭ rašeńnie ab padaŭžeńni terminaŭ adnaŭleńnia Krymskaha mosta, paškodžanaha paśla padryvaŭ vosieńniu 2022-ha i letam 2023 hoda. Ciapier raboty pa adnaŭleńni mosta buduć vykonvacca da 31 śniežnia 2023 hoda, havorycca na aficyjnym sajcie pravavoj infarmacyi.
Vice-premjer Rasii Marat Chusnulin raniej zajaŭlaŭ pra namier adnavić dvuchbakovy ruch aŭtamabilaŭ pa adnym boku mosta da 15 vieraśnia, a pa druhim — da 1 listapada. Pry hetym jon pryznavaŭ, što nie atrymajecca adnavić most tak ža chutka, jak paśla pieršaha ŭdaru ŭ kastryčniku minułaha hoda, bo adzin 600-tonny pralot byŭ całkam razburany.
Pavodle papiarednich acenak Chusnulina, adnaŭleńnie Krymskaha mosta paśla jahonaha niadaŭniaha padryvu składzie ad 1 da 1,3 miljarda rasijskich rubloŭ (kala 11-14 miljonaŭ dalaraŭ). Prytym heta suma paźniej moža vyraści.
Nahadajem, što ŭ noč na 17 lipienia na Krymskim moście adbylisia dva vybuchi. U vyniku adzin pralot abrynuŭsia, zahinuli dva čałavieki. Miarkujecca, što padryŭ byŭ ździejśnieny ŭkrainskimi padvodnymi dronami, choć aficyjna Kijeŭ svajho ŭdziełu nie pryznavaŭ.
Źjavilisia spadarožnikavyja zdymki paškodžanaha Krymskaha mosta FOTA
Vybuch na Krymskim moście. Zahinuli dva čałavieki. Ruch transpartu prypynieny
Jak ciapier vyhladaje Krymski most VIDEA
Roŭna hod tamu Miadźviedzieŭ skazaŭ viadomyja słovy pra Krymski most. U siecivie zaraz nad imi śmiajucca, a SBU trolić
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki11
Kamientary
Budzie jak u na bolšaści adbudoŭ na akupavanych ukrainskich ziemlach: biudžetnyja hrošy raśpilili, na papiery pracu całkam zrabili, ale nasamreč zroblena tolki kaby prapahanda niešta mahła pakazać i čakajuć ŭkrainskaha abstrełu albo samastrełu albo vyzvaleńnia ZSU, kab śpisać "źniščeńnie" "adbudavanaha" na "ukronacistov" i "biendierovciev"