Prodaž lehkavych aŭtamabilaŭ u lipieni ŭ paraŭnańni z červieniem źmienšyŭsia na 20,7%, ci 1627 štuk suprać 2051. Ale ŭ paraŭnańni ź lipieniem 2022-ha kolkaść realizavanych mašyn pavialičyłasia bolš čym udvaja, havorycca ŭ śviežaj spravazdačy Biełaruskaj aŭtamabilnaj asacyjacyi (BAA).
U cełym u studzieni-lipieni realizavali 9673 novyja lehkavyja mašyny. Značnuju častku rynku, jak i raniej, zajmaje brend Geely, niahledziačy na toje, što jaho dola źmienšyłasia da 71,0% pa vynikach prodažu lipienia i da 75,6% pa vynikach siami miesiacaŭ hetaha hoda.
Prytym marka ŭsio hetak ža zachoŭvaje lidarskija pazicyi (u lipieni było pradadziena 1 155 aŭtamabilaŭ Geely). Na druhim miescy — Lada (218 realizavanych aŭto), na trecim radku raźmiaściłasia Audi (65 aŭto).
Try novyja aŭtabrendy (Exeed, Voyah i FAW), jakija pryjšli ŭ pieršym paŭhodździ, nie akazali istotnaha ŭpłyvu na ŭsplosk aktyŭnaści spažyŭcoŭ, adznačajecca ŭ spravazdačy.
«U druhim paŭhodździ my čakajem źjaŭleńnia na rynku novych hulcoŭ, jakija pradstaviać patencyjna cikavyja dla pakupnikoŭ madeli», — raskazaŭ člen praŭleńnia BAA Siarhiej Samojła.
Raniej paviedamlałasia, što prodaž novych lehkavych aŭto ŭ studzieni-červieni źniziŭsia na 23,5% u paraŭnańni ź pieršaj pałovaj 2022 hoda. Taksama ŭ BAA adznačali, što na fonie sankcyj prodaž mašyn premium-siehmienta praciahvajecca. Naprykład, u Biełarusi kuplajuć premiumnyja aŭto brendaŭ BMW, Lexus, Land Rover, Toyota, Mercedes i inšych.
U cełym značna pašyryŭsia asartymient madelaŭ. Kali ŭ kancy vosieni 2022 hoda aŭtadylery prapanoŭvali ich mienš za try dziasiatki, to letam 2023-ha madelaŭ stała ŭžo bolš za 40.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii10
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary