Ci zhnili Geely? Kolki kaštujuć i jak vyhladajuć patrymanyja biełaruska-kitajskija aŭto
Biełaruska-kitajskija aŭtamabili Geely pačali vypuskać u našaj krainie 10 hadoŭ tamu, u pačatku 2013 hoda. Pahladzieli, pa jakich cenach i ŭ jakim stanie pradajuć patrymanyja mašyny biełaruskaj zborki.
Biełaruska-kitajskija pieršaprachodcy
Pieršaj madellu, jakuju pačali źbirać pad Barysavam, byŭ siedan Geely SC7. Aŭtamabil vypuskali z 2013 da 2016 hoda. To-bok samym pieršym ekzemplaram užo spoŭniłasia 10 hadoŭ, a samamu maładomu — 7. Ciapier u Biełarusi pradajecca krychu bolš za 30 takich aŭtamabilaŭ.
Za samyja tannyja varyjanty prosiać mienš za $3000.
Naturalna, što samyja tannyja ekzemplary vyhladajuć nie nadta pryvabna. Navat na fota bačna, što kuzaŭ aŭtamabila patrabuje ŭvahi. Pryčym nie tolki praz karoziju, jakaja «lubić» hetuju madel, ale i praź inšyja paškodžańni.
Kala pałovy Geely SC7 pradajucca pa cenach ad 4000-5000 dalaraŭ.
Ale navat u hetym cenavym dyjapazonie składana znajści mašyny, dzie ŭ apisańni nie budzie paznačana pra prablemy z kuzavam.
Tak, naprykład, u Breście pradajecca aŭtamabil 2014 hoda, jaki zhodna z apisańniem maje ŭsiaho 115 tysiač kiłamietraŭ prabiehu i ŭvieś čas znachodziŭsia va ŭłasnaści adnaho haspadara.
«Pa technicy nijakich prablem niama, pa kuzavie ničoha krytyčnaha, jak va ŭsich «Džyli», — namiakaje na najaŭnaść karozii pradaviec.
Niahledziačy na toje, što na pieršy pohlad aŭtamabil vyhladaje hodna, pryhladzieŭšysia da fota, možna pabačyć, što na kuzavie prysutničajuć ślady karozii. Sałon 9-hadovaha aŭtamabila taksama zachavaŭsia nie ŭ idealnym stanie. Styrno vyhryziena, vadzicielskaje siadzieńnie razychodzicca pa švach, materyjały majuć raskoliny.
Samyja darahija Geely SC 7 acenieny ŭ 6000—6600 dalaraŭ. Stolki prosiać za aŭtamabili biez zaŭvažnych prablem pa kuzavie i prabieham kala 100 tysiač kiłamietraŭ.
Jak vynikaje z apisańnia da hetych aŭto, zachavać kuzaŭ u hodnym stanie atrymałasia tolki dziakujučy nieadnarazovym apracoŭkam antykarazijnymi sastavami.
«Dziravyja» parkietniki
Druhoj madellu, jakuju pačali źbirać u Biełarusi naprykancy 2013 hoda, baŭ parkietnik Geely Emgrand X7. Aŭtamabili pieršaha pakaleńnia taksama vypuskali da 2016 hoda. Paśla madel pieražyła ŭžo dva abnaŭleńni.
Usiaho ŭ nas pradajecca 16 takich parkietnikaŭ pieršaj hienieracyi. Za samy tanny varyjant prosiać 3500 dalaraŭ. Praŭda, mašyna maje prablemy z AKPP i niuansy pa kuzavie. Aŭtamabil 2015 hoda vypusku, zajaŭleny prabieh — 360 tysiač km.
Nastupnaja pa darahaviźnie Emgrand X7 aceniena ŭ 5 tysiač «viečna zialonych».
Kuzaŭ 9-hadovaha parkietnika znachodzicca ŭ žachlivym stanie. Mocnuju karoziju i dziry možna pabačyć amal na kožnym elemiencie kuzava.
Sałon aŭtamabila pry hetym vyhladaje vielmi hodna. Zajaŭleny prabieh — 135 tysiač kiłamietraŭ.
Navat tyja aŭtamabili, za jakija prosiać 7+ tysiač dalaraŭ majuć vidavočnyja prablemy pa kuzavie ŭ vyhladzie karozii.
Samyja darahija ekzemplary pradajuć za 8500—9700 dalaraŭ. Tolki siarod ich možna znajści varyjanty biez zaŭvažnych prablem z karozijaj.
Dla daviedki: na siońnia samaj tannaj madellu z tych, što vypuskajucca ŭ Biełarusi, źjaŭlajecca Geely Emgrand druhoha pakaleńnia. Aŭto ŭ kamplektacyi Standart kaštuje ad 49 200 rubloŭ (kala $16 400). U vykanańni Flagship — ad 56 900 rubloŭ (amal 19 tysiač dalaraŭ).
«BiełDžy» budzie vypuskać aŭto pad ułasnym brendam — BelGee
Łukašenka zahadaŭ usie dziaržorhany i arhanizacyi pierasadzić na «Džyli». Nie abyšłosia biez vyklučeńniaŭ
«Dynamika pałochaje». U Biełarusi ŭstryvožylisia ekspansijaj kitajcaŭ na aŭtamabilny rynak
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Zavod po proizvodstvu Džili v Biełarusi, postroiłsia tolko v 2017 hodu, zavoditie ludiej v zabłuždienije.