U Homieli pačaŭsia sud ab najomnictvie, finansavańni i sadziejničańni «ekstremisckaj» dziejnaści
Homielski abłasny sud 16 žniŭnia pačaŭ razhlad kryminalnaj spravy ab najomnictvie, finansavańni i sadziejničańni «ekstremisckaj» dziejnaści. Sudziać miascovaha pradprymalnika Dźmitryja Makiejeva. Sudovy praces viadzie sudździa Jaŭhien Šaršnioŭ, piša «Viasna».
Makiejeva abvinavačvajuć pa roznych častkach artykuła 361 Kryminalnaha kodeksa:
- č. 2 art. 361-3 — udzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, albo padrychtoŭka asob da takoha ŭdziełu;
- č. 1 art. 361-2 — finansavańnie ekstremisckaj dziejnaści;
- č. 2 art. 361-2 — finansavańnie ekstremisckaj dziejnaści;
- č. 1 art. 361-4 — sadziejničańnie ekstremisckaj dziejnaści;
- art. 361-2 — finansavańnie dziejnaści ekstremisckaha farmiravańnia (redakcyja straciła siłu 26.05.2021);
- č. 2 art. 361-4 — sadziejničańnie ekstremisckaj dziejnaści.
«Miedyjazona» paviedamlaje, što, pavodle danych Adzinaha dziaržaŭnaha rehistra, poŭny ciozka Makiejeva zajmaŭsia pradprymalnictvam. U 2014 hodzie ŭ jaho była firma pa prodažy aŭtamabilnych zapčastak. U 2015 hodzie Makiejeŭ pracavaŭ taksistam.
Taksama viadoma, što abvinavačvany skončyŭ fakultet pramysłovaha i hramadzianskaha budaŭnictva Biełaruskaha dziaržaŭnaha ŭniviersiteta transpartu.
Ciapier čytajuć
Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca4
Kamientary