Minčuk, jaki ŭdzielničaŭ u pratestach, napisaŭ jaŭku z pavinnaj, bo atrymlivaŭ pahrozy
U sudzie Leninskaha rajona Minska 18 lipienia byŭ vyniesieny prysud 41-hadovamu Vitalu Stanišeŭskamu, abvinavačanamu va ŭdziele ŭ paślavybarčych akcyjach pratestu ŭ Minsku ŭ 2020 hodzie (č. 1 art. 342 Kryminalnaha kodeksa). Spravu razhladała sudździa Julija Ščotkina, piša «Viasna».
Pa materyjałach abvinavačańnia, Stanišeŭski ŭ adzin ź vieraśnioŭskich dzion 2020 hoda pryjechaŭ u handlovy centr «Karona».
Ubačyŭšy šmat ludziej ź simvolikaj, dałučyŭsia da ich. «Parušaŭ hramadski paradak, nie padparadkoŭvaŭsia patrabavańniam supracoŭnikaŭ milicyi, vychodziŭ na prajeznuju častku, vykrykvaŭ łozunhi i pieraškadžaŭ pracy hramadskaha transpartu… Zatym, stojačy na prajeznaj častcy pamiž Hałoŭpaštamptam i haścinicaj «Minsk» sfatahrafavaŭsia na svoj telefon», — havaryłasia ŭ abvinavačańni.
U sudzie Stanišeŭski raniejšyja pakazańni nie paćvierdziŭ, a zajaviŭ, što sapraŭdy padpisaŭ padčas śledstva ŭsie pracesualnyja dakumienty, u tym liku i jaŭku z pavinnaj, bo nieviadomy dasyłaŭ jamu na telefon paviedamleńni, pahražaŭ paviedamić u milicyju. A fotazdymak, maŭlaŭ, byŭ zrobleny na chodniku.
Sud taksama vyklučyŭ z abvinavačvańnia ŭkazańnie ab pryčynieńni «Minskaŭtatransu» materyjalnaj škody na 5 młn rubloŭ.
U vyniku Vitalu Stanišeŭskamu dali paŭtara hoda «chatniaj chimii».
Jahonaje proźvišča ŭniesiena ŭ śpis «asob, datyčnych da ekstremisckaj dziejnaści».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii9
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3838
Kamientary