Remark, Žadan, Rend. Vydaviectva «Januškievič» raspaviało, čaho čakać čytaču
Vydaviectva «Januškievič» padzialiłasia płanami pracy na najbližejšyja miesiacy.
Pavodle paviedamleńnia, praz paru dzion u druk budzie zdadzieny raman Erycha Maryja Remarka «Čorny abielisk» (u pierakładzie Iny Chomič). Apošni i adziny raz knihi hetaha znakamitaha aŭtara ŭ aryhinalnym pierakładzie na biełaruskuju movu vychodzili ŭ 1994 hodzie (heta byli «Try tavaryšy» ŭ pierakładzie Uładzimira Papkoviča).
Taksama zusim chutka ŭ druk pojdzie raman Hanny Jankuty «Čas pustaziella», naviejany padziejami i rozdumami apošnich troch hadoŭ.
«Zakančvajem pracu nad padrychtoŭkaj druhoj knihi «Hareźlivaha pacałunku» ad Jevy Vajtoŭskaj. Pieršaja častka vyjšła ŭ 2020 hodzie i šmat kamu palubiłasia, stała chitom siarod moładzi i nie tolki.
Kipić praca nad biełaruskim vydańniem ramana ŭkrainskaha piśmieńnika Siarhija Žadana «Miesapatamija», u pierakładzie Vitala Łatyša i Andreja Chadanoviča. Vielmi niezvyčajnaja kniha. Vychad płanujecca ŭ kastryčniku», — paviedamlaje vydańnie.
Da kanca vieraśnia vyjdzie novaja kniha Siarhieja Pleskača «Dziŭnaja misija» — «nievialikaja abjomam, ale duža cikavaja svaim źmiestam i siužetnymi pavarotami apovieść vydatnaha biełaruskaha piśmieńnika».
Heta toje, što vydaviectva płanuje vydać u vieraśni — kastryčniku. Idzie praca i nad inšymi knihami, pra što abiacajuć paviedamić paźniej
Da taho ž vydaviectva nabyło pravy na biełaruskaje vydańnie kultavaha ramana Ajny Rend «Atlas shrugged» (Atłant raspraviŭ plečy, Atłant zbuntavavaŭsia — jašče nie vyznačylisia, jak budzie hučać tytuł pa-biełarusku). Heta ŭdałosia ździejśnić dziakujučy inicyjatyvie i padtrymcy biełaruskaha miecenata z Hdańska, paviedamlaje vydańnie.
Dva vieršy Dunina-Marcinkieviča prakuratura pryznała ekstremisckimi materyjałami
Vydaviectva «Januškievič» zapuściła novuju internet-kniharniu
«Prapahanda nazyvała mianie etničnym palakam — a ja biełarus». Zasnavalnik internet-biblijateki «Kamunikat» pra jaje historyju, napadki režymu i niečakanyja knihi ŭ topie spampovak
«Heta vialiki honar». Kniha pra kiraŭnika BSSR Mikałaja Śluńkova vyjdzie ŭ vydaviectvie «Januškievič»
Kamientary