Kalehija sudździaŭ Vyšejšaha antykarupcyjnaha suda Ukrainy zadavoliła pazoŭ Ministerstva justycyi Ukrainy da Ministerstva abarony Biełarusi ab kanfiskacyi avijaruchavika i sistemy elektryčnaha avijacyjnaha pusku, jakija znajšli ŭ časie pieratrusaŭ u ramkach spravy suprać kiraŭnika akcyjaniernaha tavarystva «Motor Sič» Viačasłava Bahusłajeva. Hetyja avijazapčastki byli na ramoncie ŭ kampanii «Motor Sič» (Zaparožža), paviedamlaje «Radyjo Svaboda».
Viačasłaŭ Bahusłajeŭ znachodzicca pad vartaj z kastryčnika 2022 hoda z-za padazreńnia ŭ kałabaracyjnaj dziejnaści i dapamozie ahresii Rasii.
U časie vobšuku adnaho z pradpryjemstvaŭ kampanii «Motor Sič» znajšli siem avijacyjnych ruchavikoŭ. Na adnym ź ich (madel AI-25 TŁ) byli adbitki piačatki «Vajskovaja čaść 19764». Takaja vajskovaja čaść dysłakujecca ŭ Lidzie.
Usie ruchaviki razam z pavietranym startaram znachodzilisia na ramoncie va Ukrainie, jaki rabiŭsia pavodle kantrakta ab akazańni pasłuh (vykanańni rabot) pa kapitalnym ramoncie avijacyjnaha ruchavika AI-25TŁ, padpisanym pamiž PAT «Motor Sič» i Ministerstvam abarony Biełarusi ŭ asobie namieśnika načalnika štaba ŭzbrajeńnia.
Pavodle śledstva, hetyja ruchaviki nibyta dastavili va Ukrainu ŭ 2020—2021 hadach.
Pieramiaščeńnie ich na ramont va Ukrainu rabili praz kampaniju PM Technics (FZE), zarehistravanuju ŭ Abjadnanych Arabskich Emiratach, a joj, u svaju čarhu, ruchaviki pieradavała rasijskaje TAA «Avijakampanija Vołha-Dniepr».
Ministerstva justycyi Ukrainy źviarnułasia ŭ sud, kirujučysia normaj zakona ab sankcyjach, jakaja praduhledžvaje taki vid sankcyj jak spahnańnie ŭ dachod dziaržavy aktyvaŭ, što naležać fizičnaj abo jurydyčnaj asobie.
Zhodna z ukrainskim zakanadaŭstvam, Ministerstva abarony Biełarusi moža źviarnucca z apielacyjnaj skarhaj na heta rašeńnie ciaham piaci dzion z momantu jahonaha abviaščeńnia.
Miniust Ukrainy padaŭ isk na prymianieńnie sankcyj suprać Minabarony Biełarusi
Aryštavany były kiraŭnik pradpryjemstva «Mator Sič» paprasiŭ abmianiać jaho ŭ Rasiju
«Narod ža čakaŭ vyzvalicielaŭ, a pryjšli, b…, akupanty». Va Ukrainie apublikavali zapisy razmoŭ miljardera-kałabaranta Viačasłava Bahusłajeva
SBU adšukała aktyvy prezidenta «Mator Sič» Viačasłava Bahusłajeva na miljony dalaraŭ
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada5
Kamientary
Portianki nie mojut!
Ich donašivajut do skripučieho sostojanija, a potom otdajut na tabačnuju fabriku, hdie iz nich diełajut sovriemiennyje biełorusskije cyharety s aromatizatorom.