Raźviedka vymaniła va Ukrainu rasijski viertalot Mi-8 z kaštoŭnym hruzam
Viertalot niekalki tydniaŭ tamu «pamyłkova» sieŭ na ŭkrainskim aeradromie. Jak akazałasia, heta vynik paśpiachovaj apieracyi ŭkrainskaj raźviedki.
Rasijski telehram-kanał Fightbomber, jaki śpiecyjalizujecca na avijacyjnaj tematycy, siońnia raskazaŭ pra toje, što niekalki tydniaŭ tamu źnik rasijski viertalot Mi-8. Paśla hetaha aficyjnuju infarmacyju ahučyła i Hałoŭnaje ŭpraŭleńnie raźviedki Ukrainy.
Fightbomber miarkuje, što ekipaž ź niejkich pryčyn straciŭ aryjenciroŭku i pierasiok «stužačku» — liniju frontu. Tumanaŭ vykazaŭsia ab tym, što heta, mahčyma, była «radyjohulnia» z ukrainskaha boku ci admova navihacyi. Sproby adnavić aryjenciroŭku skončylisia biezvynikova.
«Ubačyli z pavietra aeradrom i ździejśnili na im pasadku. Aeradrom akazaŭsia aeradromam Pałtava (Ukraina). Zrazumieŭšy, kudy sieli, zrabili sprobu ŭźlacieć, ale byli rasstralanyja ŭ viertalocie na ziamli. Bartavy i pravak, jak miarkujecca, 200-yja, kamandzir — 300-y».
Ale nieŭzabavie stała viadoma, što heta vynik śpiecapieracyi HUR, jakaja doŭžyłasia bolš za šeść miesiacaŭ. Jak piša «Ukrainskaja praŭda», Mi-8 vymaniła ŭkrainskaja raźviedka.
Bort rabiŭ rejs pamiž dźviuma rasijskimi avijabazami i pieravoziŭ detali da źniščalnikaŭ Su-27, Su-30 SM. Razam ź piłotam na borcie było dvoje členaŭ ekipaža, jakija nie viedali, kudy nasamreč lacić viertalot. HUR nazvaŭ miescam pasadki Charkaŭskuju vobłaść.
U vyniku śpiecapieracyi dvoje členaŭ ekipaža było likvidavana, zajaviŭ pradstaŭnik HUR.
Piłot i jaho siamja znachodziacca va Ukrainie, siamju raniej vyvieźli z Rasii.
Mi-8 zastaŭsia va Ukrainie razam z detalami da samalotaŭ-źniščalnikaŭ. Pavodle źviestak «Ukrainskaj praŭdy», viertalot užo pierapravili ŭ Kijeŭ.
Rasijski błohier Ramanaŭ paviedamlaje, što padzieja adbyłasia 9 žniŭnia. «Bort išoŭ pa maršrucie Kursk — Milerava. Syšoŭ z kursu i ździejśniŭ pasadku ŭ rajonie Vaŭčanska» (Charkaŭskaja vobłaść).
Čytajcie jašče:
Ukraincy zajavili pra źniščeńnie rasijskaj rakietnaj sistemy S-400 «Tryumf» u Krymie
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary
da rečy, heta nie adziny typ apieracyj, jakimi jany zajmajucca