Pradprymalnika z Mahilova asudzili za fota pieramiaščeńnia rasijskaj vajskovaj Z-techniki
Mahiloŭski abłasny sud 15 žniŭnia vynies prysud Uładzimiru Tyčynskamu. Sudździa Pavieł Klimaŭ pryznaŭ mužčynu vinavatym u «sadziejničańni ekstremisckaj dziejnaści» (art. 361-4 KK Biełarusi). U vinu 53-hadovamu Uładzimiru Tyčynskamu pastavili toje, što ŭ krasaviku 2022 hoda jon źniaŭ na svoj mabilny telefon pieramiaščeńnie rasijskaj vajskovaj Z-techniki i adpraviŭ videa ŭ miedyja, pryznanaje «ekstremisckim», piša «Viasna».
31 maja 2023 hoda pradprymalnika zatrymali prosta na vulicy, doma ŭ jaho praviali vobšuk. Na videa zatrymańnia bačna, što mužčyna supracivu nie akazvaŭ, ale supracoŭniki AMAPa ŭsio roŭna dziejničali žorstka.
Na rehijanalnym dziaržkanale zajavili, što Tyčynski «byŭ prychilnikam ukranacysckich farmavańniaŭ», a taksama «jeździŭ z ukrainskaj nacyjanalistyčnaj simvolikaj u svaim aŭto». Pad apošnim majecca na ŭvazie aficyjny ściah Ukrainy.
Sud pryhavaryŭ Tyčynskaha da dvuch z pałovaj hadoŭ pazbaŭleńnia voli ŭ kałonii va ŭmovach ahulnaha režymu.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior11
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary