U Biełarusi i Rasii paviedamlajuć pra pavalnuju dedalaryzacyju śvietu. A što na hety kont kaža statystyka?
Rasijskaja i łukašenkaŭskaja prapahanda rehularna sprabujuć zapeŭnić svaich hledačoŭ, što ŭvieś śviet nibyta aktyŭna admaŭlajecca ad raźlikaŭ u dalarach, kab «adyści ad upłyvu amierykanskaj hiehiemonii». Raskazvajem, što adbyvajecca nasamreč.
Uzrovień mižnarodnych raźlikaŭ u dalarach staŭ rekordna vysokim, niahledziačy na vajnu va Ukrainie i palityku Rasii, Kitaja i ich sajuźnikaŭ. Pra heta 24 žniŭnia napisała ahienctva Bloomberg sa spasyłkaj na novuju spravazdaču mižbankaŭskaj sistemy SWIFT.
Tak, pavodle śviežaj statystyki, raźliki ŭ amierykanskaj valucie na momant lipienia hetaha hoda skłali amal 50% ad usich mižnarodnych bankaŭskich tranzakcyj u śviecie, što robić dalar absalutnym pieramožcam siarod astatnich valut.
«Pakazčyk dalara ŭ mižnarodnych bankaŭskich raźlikach skłaŭ 46% ad usich tranzakcyj u śviecie. Heta novy rekord za ŭsiu historyju manitorynhu z boku sistemy SWIFT», — piša Bloomberg sa spasyłkaj na śviežyja danyja sistemy.
Adnoj z pryčyn takoha vysokaha rostu dalara nazyvajecca takoje ž imklivaje padzieńnie jeŭra — jaho pakazčyk staŭ samym nizkim za ŭsiu historyju nazirańnia SWIFT. Na heta paŭpłyvaŭ pačatak vajny va Ukrainie i pierakidvańnie jeŭrapiejskich pramysłovych mahutnaściaŭ u ZŠA.
Ale, niahledziačy na padzieńnie, jeŭra zastajecca druhoj pa ŭpłyvie valutaj u śviecie paśla dalara. A śledam za jeŭra ŭ piaciorcy samych upłyvovych valut śvietu, pavodle novych statystyčnych źviestak, iduć brytanski funt, japonskaja ijena i kitajski juań.
Darečy, dola kitajskaha juania ŭ suśvietnych bankaŭskich tranzakcyjach, niahledziačy na aktyŭnaje prasoŭvańnie Kitajem svajoj valuty i palityki dedalaryzacyi płaniety, ciapier składaje ŭsiaho 3%. A rasijskaha rubla ŭ śpisie ŭpłyvovych valut, pavodle statystyki SWIFT, uvohule niama.
Kupić dalary pa rublovaj karcie ŭ bankamacie ci za najaŭnyja ŭ kasie — što vyhadniej?
Jak vyhladaje ekanamičnaje supracoŭnictva Polščy ź Biełaruśsiu napiaredadni mahčymaha zakryćcia miežaŭ. Zdajecca, Polščy jość što hublać
Rasijskija trymalniki jeŭrabondaŭ padali ŭ rasijski sud na Minfin Biełarusi. Minsk prosić pieranieści spravu z Maskvy da siabie ci chacia b u Łondan
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady4
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary
Za 29 hod ja upeuniusia što łukašyzm heta psichičnaja chvaroba, pryčym vielmi ciažkaja.