У Беларусі і Расіі паведамляюць пра павальную дэдалярызацыю свету. А што на гэты конт кажа статыстыка?
Расійская і лукашэнкаўская прапаганда рэгулярна спрабуюць запэўніць сваіх гледачоў, што ўвесь свет нібыта актыўна адмаўляецца ад разлікаў у далярах, каб «адысці ад уплыву амерыканскай гегемоніі». Расказваем, што адбываецца насамрэч.
Узровень міжнародных разлікаў у далярах стаў рэкордна высокім, нягледзячы на вайну ва Украіне і палітыку Расіі, Кітая і іх саюзнікаў. Пра гэта 24 жніўня напісала агенцтва Bloomberg са спасылкай на новую справаздачу міжбанкаўскай сістэмы SWIFT.
Так, паводле свежай статыстыкі, разлікі ў амерыканскай валюце на момант ліпеня гэтага года склалі амаль 50% ад усіх міжнародных банкаўскіх транзакцый у свеце, што робіць даляр абсалютным пераможцам сярод астатніх валют.
«Паказчык даляра ў міжнародных банкаўскіх разліках склаў 46% ад усіх транзакцый у свеце. Гэта новы рэкорд за ўсю гісторыю маніторынгу з боку сістэмы SWIFT», — піша Bloomberg са спасылкай на свежыя даныя сістэмы.
Адной з прычын такога высокага росту даляра называецца такое ж імклівае падзенне еўра — яго паказчык стаў самым нізкім за ўсю гісторыю назірання SWIFT. На гэта паўплываў пачатак вайны ва Украіне і перакідванне еўрапейскіх прамысловых магутнасцяў у ЗША.
Але, нягледзячы на падзенне, еўра застаецца другой па ўплыве валютай у свеце пасля даляра. А следам за еўра ў пяцёрцы самых уплывовых валют свету, паводле новых статыстычных звестак, ідуць брытанскі фунт, японская іена і кітайскі юань.
Дарэчы, доля кітайскага юаня ў сусветных банкаўскіх транзакцыях, нягледзячы на актыўнае прасоўванне Кітаем сваёй валюты і палітыкі дэдалярызацыі планеты, цяпер складае ўсяго 3%. А расійскага рубля ў спісе ўплывовых валют, паводле статыстыкі SWIFT, увогуле няма.
Купіць даляры па рублёвай карце ў банкамаце ці за наяўныя ў касе — што выгадней?
Як выглядае эканамічнае супрацоўніцтва Польшчы з Беларуссю напярэдадні магчымага закрыцця межаў. Здаецца, Польшчы ёсць што губляць
Расійскія трымальнікі еўрабондаў падалі ў расійскі суд на Мінфін Беларусі. Мінск просіць перанесці справу з Масквы да сябе ці хаця б у Лондан
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары
За 29 год я упэунiуся што лукашызм гэта псiхiчная хвароба, прычым вельмi цяжкая.