U smarhonskim kaściole zvany stali vybivać roznyja miełodyi
U smarhonskim kaściole zapuścili novuju sistemu hučańnia zvanoŭ. Pra heta vypuściŭ videa probašč katalickaj parafii Śviatoha Archanioła Michała ksiondz Artur Lašnieŭski. Jon raspavioŭ, čamu tak pryhoža stali hučać zvany, što aznačaje ich miełodyja, a taksama pakazaŭ i sami zvany, i ich hučańnie, piša Katolik.life.
Videa źjaviłasia ŭ miascovym pabliku ŭ sacsietcy i vyklikała šmat stanoŭčych reakcyj. Praŭda, u kamientarach adzin z karystalnikaŭ pasprabavaŭ spravakavać tradycyjnuju sprečku pra nibyta złoŭžyvańnie duchavienstvam materyjalnymi vyhodami viernikaŭ: maŭlaŭ, u žycharoŭ Smarhoni sabrali zanadta šmat hrošaj na novyja zvany.
Ale haradžanie nie paddalisia na pravakacyju i zastupilisia za śviatara, patłumačyŭšy, što duchavienstva pastajanna daje spravazdaču pierad parafijanami za ŭsie sabranyja achviaravańni.
A što tyčycca novaha hučańnia zvanoŭ, to dziakujučy novaj sistemie jany stali vybivać roznyja miełodyi relihijnych śpievaŭ. Trojčy na dzień, pa staražytnaj tradycyi, zvany pačali vybivać miełodyi, zaprašajučy viernikaŭ na malitvu «Anioł Panski».
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary