U Biełarusi skaračajucca abjomy spažyvańnia pryrodnaha hazu, u tym liku i praź BiełAES
Za studzień-lipień 2023 hoda abjom spažyvańnia pryrodnaha hazu, jaki pastaŭlajecca arhanizacyjami «Biełpalivahaza», skłaŭ 9,4 młrd mietraŭ kubičnych hazu. Heta na 15 adsotkaŭ mienš, čym u anałahičnym pieryjadzie minułaha hoda, raspavioŭ ministr enierhietyki Viktar Karankievič.
«U cełym u 2023 hodzie aceńvajem abjom vodpusku pryrodnaha hazu hazazabieśpiačalnymi arhanizacyjami ŭ abjomie 16,7 młrd kub. m pry ŭzroŭni minułaha hoda — 19 młrd kub. m», — skazaŭ Karankievič.
Asnoŭnym faktaram źnižeńnia abjomu spažyvańnia pryrodnaha hazu ministr nazvaŭ pracu Biełaruskaj atamnaj elektrastancyi.
Z momantu ŭklučeńnia ŭ enierhasistemu pieršaha enierhabłoka (3 listapada 2020 hoda) BiełAES vypracavała 18,5 młrd kVt·h elektraenierhii (heta dazvoliła zamiaścić kala 5 młrd kub. m hazu). Z uvodam druhoha enierhabłoka atamnaja stancyja budzie hienieravać taki ž abjom elektraenierhii štohod, što zabiaśpiečyć zamiaščeńnie 4,5-5 młrd kub. m hazu na hod, paviedamiŭ Karankievič.
Upłyŭ na skaračeńnie spažyvańnia hazu akazvajuć i mierapryjemstvy pa enierhaźbieražeńni i enierhaefiektyŭnaści, pavieličeńnie vykarystańnia miascovych vidaŭ paliva, dadaŭ ministr.
Kamientary