«Ja chaču skazać VIE-LI-ZAR-NY dziakuj tysiačam biełarusaŭ». Jahor Marcinovič napisaŭ pieršy dopis paśla vyzvaleńnia
«U mianie było 2 hady i jašče 1,5 miesiaca, kab prydumać aryhinalny dopis na hetaje miesca. Ale niejak nie skłałasia, paciahnuła na fiłasofiju», — napisaŭ Jahor u fejsbuku.
Ja chaču skazać VIE-LI-ZAR-NY dziakuj tysiačam biełarusaŭ, jakija padtrymlivali mianie, dapamahali mnie ci inšym palitviaźniam albo chacia b u dušy pieražyvali za nas. Hurtam šmat što lahčej)
Pastarajusia adpisać ci adzvanicca kožnamu, ad kaho atrymlivaŭ viestački.
Ja tolki pierakanaŭsia, što prystojnych, sumlennych biełarusaŭ, sapraŭdnych patryjotaŭ našaj krainy ŭ razy bolš, čym ja moh sabie ŭjavić u samych śmiełych fantazijach.
Baluča ad razumieńnia, kolki dadatkovaha kłopatu i prablemaŭ zvaliłasia na našych rodnych i blizkich. Asnoŭny ciažar vyciahnuli na svaich plačach mienavita jany. Nam što? — siadzi na miescy i padličvaj dni. Ale ž rodnyja nie padpisvalisia na toje, kab bačyć ludziej u bałakłavach u svajoj kvatery, stajać u čerhach pad SIZA, a paśla jašče i hublać niervy ŭ čakańni, vypuściać ci nie vypuściać.
Karaciej, zanadta šmat roznych «ale», kab dakładna skazać, jak usim nam varta było rabić pravilna — kab minimizavać mahčymyja straty i pavialičyć šancy na pieramohu Biełarusi i zdarovaha sensu. Pa-raniejšamu vieru, što heta adbudziecca.
A piersanalna dla mianie važna, što ja viartajusia na svabodu z čystym sumleńniem. Mnie nie soramna hladzieć u vočy ludziam, i heta ŭžo niamała», — napisaŭ Jahor Marcinovič u fejsbuku.
***
Hałoŭnaha redaktara «Našaj Nivy» Jahora Marcinoviča zatrymali 8 lipienia 2021 hoda. Jamu i Andreju Skurko prysudzili 2,5 hoda źniavoleńnia. Termin jany adbyli całkam. Jahor Marcinovič znachodziŭsia ŭ babrujskaj kałonii.
18 žniŭnia, całkam adbyŭšy prysudžanyja 2 z pałovaj hady źniavoleńnia, z mahiloŭskaj kałonii vyzvaliŭsia Andrej Skurko.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Kamientary
Vielmi rady, što vy na voli, spadar Jahor!