Takarčuk nahavaryła amaralnych brydkaściaŭ u bok Cichanoŭskaha. Jaho abureńnie možna zrazumieć
Siarhieja Cichanoŭskaha ŭtrymlivali ŭ niečałaviečych umovach — a ciapier Takarčuk prynižaje jaho za heta jašče i na svabodzie.
Volha Takarčuk i Siarhiej Cichanoŭski
«U mianie ŭźnikaje pytańnie. Vychodziać ludzi — nie tolki palitźniavolenyja, ale i prosta źniavolenyja. I zadajuć pytańnie: čamu ciabie nie pryniała nivodnaja kamiera? Moža, ty heta ludziam raskažaš? Čamu za ŭvieś čas, jaki ty siadzieŭ, ty ŭ ni adnaho pradolnaha (dziažurnaha pa kalidory z kamierami ŭ SIZA ci turmie — NN) nie pacikaviŭsia pra ludziej, jakija vyjšli za ciabie i z-za ciabie sieli. Pra turmu tam jość [da ciabie] pytańniečki, Siaroža», — zajaviła błohierka Volha Takarčuk u efiry «Jeŭraradyjo».
Kanflikt Cichanoŭskaha i Takarčuk praciahvajecca ŭžo daŭno, ale nastolki amaralnych pretenzij raniej nie hučała. Nie dziva, što Siarhiej adreahavaŭ rezka i, nie strymlivajučysia, nazvaŭ Volhu nielitaraturnymi słovami.
U parušeńnie nie tolki jurydyčnych pracedur, ale i ŭsich kryminalnych paniaćciaŭ dla Siarhieja Cichanoŭskaha jak asabistaha voraha Alaksandra Łukašenki stvaryli za kratami niečałaviečyja ŭmovy. Milicejskaje načalstva sprabavała pryčapić jamu «nizki status», što samo pa sabie źjaŭlajecca prynižalnym. Ale jašče i pieraškadžaje kamunikacyi ź inšymi źniavolenymi. Tak, vidać, «nivodnaja kamiera nie pryniała Cichanoŭskaha». Ale nichto z kryminalnikaŭ i nie moh pryniać jaho, kab samomu nie apynucca ŭ «nizkim statusie» — i tym samym dobraachvotna stvaryć i sabie niečałaviečyja ŭmovy da kanca terminu. U vyniku hetaj pravakacyi Cichanoŭski byŭ vymušany pravieści amal uvieś čas źniavoleńnia ŭ adzinočnaj kamiery. Dy jašče i ŭ režymie inkamunikada — biez mahčymaści kantaktavać z rodnymi.
Volha Takarčuk — sama byłaja palitźniavolenaja. I jana nie moža nie viedać i nie razumieć, u jakija ŭmovy administracyja źmiaściła Cichanoŭskaha.
Takarčuk vystaviła Cichanoŭskamu jašče niekalki abvinavačvańniaŭ — taksama abraźlivych dla čałavieka, jaki adpakutavaŭ piać hadoŭ. Što, maŭlaŭ, nibyta jon u turmie padpisaŭ niejkija papierki. I što ŭ jaje źjaŭlajecca dumka, ci nie Cichanoŭski — prajekt KDB. Hetyja fantazii taksama nie padmacoŭvajucca nijakimi arhumientami.
-
Pavieł Vinahradaŭ nazvaŭ top-5 rečaŭ, pa jakich jon sumavaŭ u turmie
-
«Nie było b BNF — nie było b i siesii. Nie sabralisia b na jaje kamunisty». Navumčyk rezka adkazaŭ «abviarhacielu» Cyhankovu
-
«Liryka pra toje, što 25 žniŭnia 1991 hoda niechta pryhoža vystupiŭ, i ŭsie pamianiali svaje pohlady — heta dla mastackaha kino»
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary