U Francyi praz našeście mieduz spynili reaktar na najbujniejšaj AES Zachodniaj Jeŭropy
Na atamnaj elektrastancyi Hraŭlin na poŭnačy Francyi praz masavaje našeście mieduz spynili adzin z reaktaraŭ, a mahutnaść jašče adnaho źnizili. Ciapier u štatnym režymie pracujuć tolki dva z šaści reaktaraŭ stancyi, paviedamlaje France Info.
U kampanii EDF paviedamili, što ŭ sieradu kala 16‑j hadziny enierhabłok №3 previentyŭna spynili paśla taho, jak vialikaja kolkaść mieduz znoŭ trapiła ŭ sistemy filtracyi na vodazabory z mora.
Hety reaktar tolki 18 žniŭnia znoŭ padklučyli da elektrasietki paśla anałahičnaha incydentu. Dla biaśpieki taksama źnizili mahutnaść reaktara №2.
Enierhabłok №4 zastajecca spynienym z 10 žniŭnia paśla pieršaha masavaha napłyvu mieduz, a reaktar №5 znachodzicca na płanavym techničnym absłuhoŭvańni.
Masavyja našeści mieduz kala AES Hraŭlin užo fiksavali ŭ žniŭni 2025 hoda. Tady ŭsie reaktary pastupova adnavili pracu na praciahu dvuch tydniaŭ.
Źjaŭleńnie mieduz kala paŭnočnaha ŭźbiarežža Francyi źjaŭlajecca zvyčajnaj siezonnaj źjavaj, adnak apošnimi hadami bujnyja ich našeści letam nazirajucca ŭsio čaściej.
AES Hraŭlin ličycca najbujniejšaj atamnaj elektrastancyjaj u Zachodniaj Jeŭropie. U lipieni ŭ Francyi praz ekstremalnuju śpioku ŭžo davodziłasia spyniać try jadziernyja reaktary.
Kamientary