Prakuratura tureckaha horada Ajdyn pačała rasśledavańnie ŭ dačynieńni da haziety Aydin Denge. Na jaje staroncy ŭ sacsietkach źjaviłasia publikacyja pad zahałoŭkam «Erdahan pamior». U miežach kryminalnaj spravy byli zatrymanyja čatyry pradstaŭniki miedyja, piša Biełaruskaja asacyjacyja žurnalistaŭ.
Jak paviedamlaje tureckaje vydańnie Cumhuriyet, 25 žniŭnia ŭ akaŭncie haziety Aydin Denge byŭ apublikavany malunak z nadpisam «Erdahan pamior». Spasyłka viała na niekrałoh na sajcie vydańnia, dzie paviedamlałasia pra śmierć miascovaj žycharki Hiulšen z proźviščam Erdahan.
Pakolki ŭ tureckaj movie dziejasłovy nie źmianiajucca pavodle rodu, fraza pra śmierć čałavieka z proźviščam Erdahan hučyć adnolkava i ŭ dačynieńni da žančyny, i da mužčyny (Erdogan Vefat Etti).
U adkaz na publikacyju prakuratura horada Ajdyn raspačała kryminalnuju spravu pa artykule «publičny raspaŭsiud infarmacyi, jakaja ŭvodzić u zman». U ramkach rasśledavańnia byli zatrymanyja ŭładalnik haziety Emin Ajdyn, hałoŭny redaktar Ješym Jułkier i žurnalisty Isłam Kieleš i Irem Delis. Paviedamlajecca, što paśla ich vyzvalili z‑pad varty, ale prymianili mieru strymańnia ŭ vyhladzie sudovaha nahladu.
Pavodle artykuła 217/A Kryminalnaha kodeksa Turcyi, za naŭmysnaje raspaŭsiudžvańnie chłuślivaj infarmacyi praduhledžana pakarańnie ŭ vyhladzie pazbaŭleńnia voli na termin ad adnaho da troch hadoŭ.
Ciapier čytajuć
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary
Voś jak nasamreč nazyvajecca chłuśnia žurnalistaŭ, a nie "klikbiejt".