U histaryčnym centry Hrodna płanujuć uźvieści dva novyja turystyčnyja kompleksy z hatelami, restaranami i inšymi abjektami. Na aŭkcyjon vystavili prava arendy dvuch ziamielnych učastkaŭ na vulicy Vialikaja Trajeckaja terminam na 50 hadoŭ, piša Domovita.by.
Pieršy ŭčastak, płoščaj krychu bolš za 5 sotak, znachodzicca ŭ rajonie doma №59A. Startavaja cana prava arendy — 17 881 rubiel. Druhi, płoščaj bolš za 15 sotak, acanili ŭ 52 910 rubloŭ.
Zajaŭki na ŭdzieł u aŭkcyjonie buduć prymać z 31 žniŭnia da 23 vieraśnia. Pieramožcam taksama daviadziecca kampiensavać vydatki na arhanizacyju tarhoŭ i padrychtoŭku dakumientaŭ.
Na hetych učastkach dazvalajecca raźmiaścić hateli, mateli abo apart-kampleksy, restarany, kaviarni, bary, kramy, administracyjnyja pamiaškańni, miedycynskija centry i fizkulturna-azdaraŭlenčyja zały. Takim čynam, inviestar zmoža sam vyznačyć spałučeńnie abjektaŭ.
Pry hetym zabudova pavinna adpaviadać patrabavańniam achoŭnaj zony histaryčnaha centra Hrodna. Vyšynia novych budynkaŭ nie moža pieravyšać uzrovień dachaŭ i kańkoŭ susiednich damoŭ, a plama zabudovy — zajmać bolš za pałovu ŭčastka.
Dla ŭčastka №53 dadatkova praduhledžana budaŭnictva tolki sa skatnym dacham i mansardaj. Fasady novych budynkaŭ pavinny adpaviadać histaryčnamu abličču Vialikaj Trajeckaj i harmanična ŭpisvacca ŭ staruju zabudovu.
Viasnoj pad Hrodnam źbirajucca adkryć «Stary horad»
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA
«Pačynaju razumieć ludziej, jakija žyvuć u turystyčnych haradach i nie lubiać zajezdžych». Što turystyčny bum prynosić Hrodnu
U Hrodnie źnieśli amal 100‑hadovy dom na rahu Mickieviča i Fiłareta — jašče adzin pomnik draŭlanaha kanstruktyvizmu
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary