U źnikłaha mužčyny byli prablemy sa zdaroŭjem.
Padčas adpačynku ŭ Hahry źnik žychar Baranavičaŭ Andrej Naŭmcaŭ. Jon znachodziŭsia ŭ samaabvieščanaj Abchazii z 11 žniŭnia, piša Onliner.by.
U noč na 19 žniŭnia, kala 2:00, Andrej vyjšaŭ z hatela «Kalipsa». U čaćvier, 27 žniŭnia, stała viadoma, što supracoŭniki abchazskaj milicyi znajšli biełarusa zahinułym. Pra heta paviedamiŭ pošukava-vyratavalny centr «Aryjencir».
Pošukami 42‑hadovaha biełarusa zajmałasia Ministerstva ŭnutranych spraŭ Abchazii.
— Ništo nie pradkazvała źniknieńnia. Na adpačynku jon byŭ z žonkaj i dačkoj, prosta nočču vyjšaŭ z hatela i źnik. Žonka viarnułasia ŭ Biełaruś, — raskazali žurnalistam u pošukavym centry «Aryjencir».
Taksama žurnalisty źviazalisia z žonkaj Andreja Marynaj. Vyśvietliłasia, što ŭ źnikłaha mužčyny byli prablemy sa zdaroŭjem.
— U jaho chvoraje serca, jon prymaje leki. Nijakich kanfliktaŭ u nas da hetaha nie było. Jon prosta vyjšaŭ prahulacca nočču i nie viarnuŭsia. Ja pajšła jaho šukać, ale nie znajšła, paśla čaho adrazu źviarnułasia ŭ milicyju. Pry mnie telefanavali ŭ miascovyja balnicy — i ničoha. Pakul nijakich navin pra jaho niama.
Učora stała viadoma, što mužčynu znajšli zahinułym.
Ciapier čytajuć
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary