Zaležnaść Armienii ad Rasii ŭ śfiery biaśpieki «była stratehičnaj pamyłkaj» — Pašynian
U intervju vydańniu La Repubblica, jakoje ŭ niadzielu pakazała armianskaje telebačańnie, premjer-ministr Armienii Nikoł Pašynian raskrytykavaŭ rasijski miratvorčy kantynhient u Nahornym Karabachu, zajaviŭšy, što toj nie vykonvaje svaju zadaču.
Pašynian ličyć, što zaležnaść Armienii ŭ śfiery biaśpieki tolki ad adnoj krainy, a mienavita Rasii, była «stratehičnaj pamyłkaj». Sutnaść intervju italjanskamu vydańniu pierakazvaje «Radyjo Svaboda».
«Architektura biaśpieki Armienii na 99,999% była źviazanaja z Rasijaj, u tym liku i ŭ śfiery nabyćcia zbroi i bojeprypasaŭ. Ale siońnia, kali Rasija sama maje patrebu ŭ zbroi i bojeprypasach, zrazumieła, što navat kali b jana zachacieła, nie zmahła b zabiaśpiečyć patreby Armienii ŭ śfiery biaśpieki», — zajaviŭ u pryvatnaści Pašynian.
Pavodle jaho, Armienija «spažyła horki plon» hetaj stratehičnaj pamyłki i tolki ciapier sprabuje «dyviersifikavać» svaju stratehiju ŭ śfiery biaśpieki.
Praŭdapadobna, Pašynian mieŭ na ŭvazie kampaniju vosieni 2020 hodu, padčas jakoj Azierbajdžanu ŭdałosia viarnuć značnyja terytoryi, jakija kala 30 hadoŭ znachodzilisia pad kantrolem armianskich sił.
Taksama Pašynian vykazaŭ mierkavańnie, što Rasija, vierahodna, sama sychodzić z Paŭdniovaha Kaŭkazu. «Pa sutnaści, Rasija ŭžo dastatkova daŭno znachodzicca ŭ našym rehijonie, na Paŭdniovym Kaŭkazie. Ale my bačyli situacyi, kali ŭ adzin dzień, adzin miesiac ci adzin hod Rasija prosta syšła i pakinuła Paŭdniovy Kaŭkaz… jość pracesy, jakija, viadoma, pryvodziać da takoj dumki, što moža paŭtarycca toj ža scenaryj, što adnojčy my prosta pračniomsia i ŭbačym, što Rasii tut niama», — zajaviŭ premjer Armienii.
Jon adznačyŭ, što šerah kamientataraŭ u Rasii śćviardžajuć, što niejkija zachodnija siły padšturchoŭvajuć Jerevan da razryvu z Rasijaj, ale, na jaho dumku, «Rasija sama sychodzić z rehijona ŭ siłu tych krokaŭ, jakija jana robić abo nie robić».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha22
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu126126
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu126
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary