Rastoŭski mitrapalit zajaviŭ, što horad padčas červieńskaha maršu PVK «Vahnier» vyratavaŭ abraz Maci Božaj
«I ŭžo potym čysta pa časie my zrazumieli, što kali my pačali słužyć malebien, mienavita tady pačalisia pieramovy, pajšli pieršyja słovy prymireńnia».
Kiraŭnik Danskoj jeparchii mitrapalit Mierkuryj raspavioŭ u intervju «Don-TV», što 24 červienia śviatary adsłužyli malebien pierad Danskim abrazom Božaj Maci.
Pres-sakratar mitrapolii Ihar Piatroŭski rastłumačyŭ vydańniu «Padjom», što rašeńnie ab terminovym nabaženstvie prymałasia zychodziačy z napružanaj abstanoŭki, i ŭžo paźniej stała zrazumieła, što padčas słužby pačalisia pieramovy.
«U centry horada lohka mahła pačacca maleńkaja hramadzianskaja vajna, heta było vielmi strašna. U narodzie było vielmi vialikaje napružańnie. I tady ŭładyka pryniaŭ rašeńnie sabrać ludziej pierad Danskim abrazom Božaj Maci, heta samy šanavany abraz u nas na Donie, mienavita pierad hetym abrazom histaryčna ludzi malilisia, atrymlivajučy zbavieńnie ad surjoznych niepryjemnaściaŭ, u tym liku i vajennych. Samy viadomy vypadak — heta 1591 hod, kali dziŭnym čynam paśla malitvy biez adzinaha strełu vojska chana Kazy-Hireja adyšło ad Maskvy. Mitrapalit vyrašyŭ ździejśnić taki ž malebien pierad hałoŭnaj śviatyniaj našaha rehijona. Pryjšli ludzi, i my ździejśnili malebien, prosiačy Baharodzicu, kab jana supakoiła našych voś hetych haściej i kab biez krovapralićcia zaviaršyłasia ŭsia hetaja historyja.
Praz paŭtary hadziny pryjšło paviedamleńnie, što PVK «Vahnier» źnimajecca i adychodzić z Rastova. I ŭžo potym čysta pa časie my zrazumieli, što kali my pačali słužyć malebien, mienavita tady pačalisia pieramovy, pajšli pieršyja słovy prymireńnia. Tamu mnohija žychary Rastova, bačačy takija nievypadkovyja vypadkovaści, padziakavali Božaj Maci za toje, što horad zastaŭsia niekranuty, i što biez pralićcia nivodnaj kropli kryvi hetaja vajskovaja arhanizacyja pakinuła horad. Dziasiatki tysiač ludziej ličać, što Maci Božaja zrabiła čarhovy raz, jak u 1591 hodzie, taki dziŭny cudoŭny efiekt».
24 červienia ŭ Rastoŭ-na-Donie ŭvajšli tanki i inšaja vajskovaja technika PVK «Vahnier» paśla taho, jak zasnavalnik kampanii Jaŭhien Pryhožyn abviaściŭ ab «maršy spraviadlivaści» na Maskvu.
Paźniej viečaram Alaksandr Łukašenka zajaviŭ, što pravioŭ pieramovy z Pryhožynym, ruch kałony ŭ inšych rehijonach byŭ spynieny, uviečary bajcy pakinuli Rastoŭ.
23 žniŭnia Jaŭhien Pryhožyn zahinuŭ u avijakatastrofie.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
tak i nazyvajecca?
šo jon kuryć?