Brazilski forvard saudaŭskaha «Al-Chilala» Niejmar zajaviŭ, što pieramoha na čempijanacie śvietu — heta jaho samaja vialikaja mara.
«Viadoma, ja spadziajusia, što adnojčy zmahu ažyćciavić samuju vialikuju maru i vyjhrać čempijanat śvietu, heta vidavočna. Ale časam nie atrymlivajecca. U Brazilii jość top-kumir, adzin z najvažniejšych futbalistaŭ u historyi krainy. Heta Zika, i ŭ jaho niama pieramohi na čempijanacie śvietu. I heta nie vyznačaje jaho jakaści i daru, jaki ŭ jaho byŭ. Da mianie hetyja słovy taksama padychodziać», — cytuje Niejmara Championat.com.
31-hadovy Niejmar pierajšoŭ u «Al-Chilal» z PSŽ hetym letam. U novym siezonie futbalist na poli jašče nie źjaŭlaŭsia.
Brazilski hulec vystupaŭ za francuzski kłub z 2017 hoda, pierajšoŭšy tudy z «Barsiełony» za rekordnyja €222 młn. Tranśfier brazilca zastajecca samym darahim u historyi.
Za PSŽ Niejmar sumarna zhulaŭ 173 matčy, u jakich zabiŭ 118 hałoŭ, a taksama addaŭ 77 halavych pieradač. U składzie PSŽ brazilec piać razoŭ vyjhraŭ francuzski čempijanat, try razy zavajavaŭ Kubak Francyi i dajšoŭ da finału Lihi čempijonaŭ.
Zbornaja Brazilii piać razoŭ była čempijonam śvietu pa futbole. Heta rekord. Ale apošni raz brazilcy stanavilisia čempijonami ŭ 2002 hodzie. Pierad hetym byli čempijonami ŭ 1958, 1962, 1970, 1994 hadach.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy3
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary