Бразільскі форвард саудаўскага «Аль-Хіляля» Неймар заявіў, што перамога на чэмпіянаце свету — гэта яго самая вялікая мара.
«Вядома, я спадзяюся, што аднойчы змагу ажыццявіць самую вялікую мару і выйграць чэмпіянат свету, гэта відавочна. Але часам не атрымліваецца. У Бразіліі ёсць топ-кумір, адзін з найважнейшых футбалістаў у гісторыі краіны. Гэта Зіка, і ў яго няма перамогі на чэмпіянаце свету. І гэта не вызначае яго якасці і дару, які ў яго быў. Да мяне гэтыя словы таксама падыходзяць», — цытуе Неймара Championat.com.
31-гадовы Неймар перайшоў у «Аль-Хіляль» з ПСЖ гэтым летам. У новым сезоне футбаліст на полі яшчэ не з'яўляўся.
Бразільскі гулец выступаў за французскі клуб з 2017 года, перайшоўшы туды з «Барселоны» за рэкордныя €222 млн. Трансфер бразільца застаецца самым дарагім у гісторыі.
За ПСЖ Неймар сумарна згуляў 173 матчы, у якіх забіў 118 галоў, а таксама аддаў 77 галявых перадач. У складзе ПСЖ бразілец пяць разоў выйграў французскі чэмпіянат, тры разы заваяваў Кубак Францыі і дайшоў да фіналу Лігі чэмпіёнаў.
Зборная Бразіліі пяць разоў была чэмпіёнам свету па футболе. Гэта рэкорд. Але апошні раз бразільцы станавіліся чэмпіёнамі ў 2002 годзе. Перад гэтым былі чэмпіёнамі ў 1958, 1962, 1970, 1994 гадах.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2
Каментары