Abłomki rasijskaha bieśpiłotnika vyjavili ŭ rajonie Płaŭru ŭ paviecie Tułča. Bieśpiłotnik vyjavili paśla taho, jak Rasija atakavała 4 vieraśnia ŭkrainskija party ŭ Izmaile i Renie, raźmieščanyja pobač z rumynskaj miažoj, piša «Ukrainskaja praŭda».
Ministr abarony Rumynii Anchiel Tyłvar paćvierdziŭ, što vyjaŭlenyja abłomki rasijskaha bieśpiłotnika, jaki raźbiŭsia ŭ Rumynii.
«Było vidać, što za dosyć karotki pieryjad času adbyłasia sieryja napadaŭ, jakija Rasija ažyćciaviła na ŭkrainskija partovyja abjekty i składy, tamu liču važnym uzmacnić zachady. U nas budzie bolš naziralnych punktaŭ, bolš patruloŭ. Pry hetym abstalavańnie, jakoje my vykarystoŭvajem, što z techničnaha punkta hledžańnia moža prykryć terytoryju, zastajecca pracazdolnym i znachodzicca ŭ fazie pavyšanaj uvahi», — paviedamiŭ ministr u kamientary Antena 3 CNN.
Nahadajem, što 4 vieraśnia Rasija čarhovy raz atakavała poŭdzień Adeskaj vobłaści. U Dziaržaŭnaj pamiežnaj słužbie zajavili, što na terytoryi Rumynii ŭpali i zdetanavali «šachiedy».
Pry hetym aficyjny Bucharest pieršapačatkova hetuju infarmacyju abvierhnuŭ. Ukraincy zajavili, što jość fotadokazy. Pamiežniki źviarnulisia da rumynskich kaleh z prośbaj dać infarmacyju ab incydentach, ale adkazu nie było.
Ministr zamiežnych spraŭ Ukrainy Źmitro Kuleba vykazaŭ zdahadku, što Rumynija imkniecca «nie eskalavać interpretacyju tych ci inšych padziej, kab prosta nie być uciahnutaj u niepasredny kanflikt».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary