Dźmitryju Šaŭcovu rekamiendavali pakinuć pasadu kiraŭnika Biełaruskaha Čyrvonaha Kryža, ale jon zastaniecca
Kamitet pa vykanańni pravavych normaŭ i pasiarednictva Mižnarodnaj fiederacyi tavarystvaŭ Čyrvonaha Kryža i Čyrvonaha Paŭmiesiaca parekamiendavaŭ kiraŭniku biełaruskaha adździaleńnia Dźmitryju Šaŭcovu pakinuć pasadu da 3 kastryčnika, ale jon da rekamiendacyi nie prysłuchaŭsia, raskazali ŭ efiry «Biełaruś 1».
Za praciah paŭnamoctvaŭ Dźmitryja Šaŭcova prahałasavaŭ źjezd Biełaruskaha tavarystva Čyrvonaha Kryža. U navinnym siužecie «Biełaruś 1» pakazali kadry pasiadžeńnia — delehaty hałasavali ŭźniaćciem ruk, piša «Miedyjazona».
Pavodle infarmacyi «BiełTA», Mižnarodny Čyrvony Kryž parekamiendavaŭ Šaŭcovu pakinuć pasadu na čas praviadzieńnia rasśledavańnia.
«Ja ŭdziačny delehatam źjezda za tuju padtrymku, jakaja mnie była akazanaja. Ja daŭ tłumačeńni z nahody svajoj pajezdki i svaich vystupaŭ. Viadoma, ja prymu da viedama ŭsie zaŭvahi, jakija byli ahučanyja na źjeździe», — skazaŭ Dźmitryj Šaŭcoŭ.
Pradstaŭnictva Čyrvonaha Kryža ŭ Biełarusi — całkam praŭładnaja arhanizacyja, jakaja biezahavoračna padtrymlivaje režym Łukašenki va ŭsich jaho dziejańniach jak na słovach, tak i na spravie. Siabroŭ hetaj arhanizacyi, naprykład, zaŭsiody ŭklučajuć u skład vybarčych kamisij, i jany aktyŭna ŭdzielničajuć u falsifikacyi vybaraŭ roznaha ŭzroŭniu. Dziejnaść arhanizacyi zusim nie adpaviadaje takim zajaŭlenym pryncypam, jak niezaležnaść, niejtralnaść, biesstaronnaść i dobraachvotnaść.
Paśla pačatku poŭnamaštabnaj vajny Rasii z Ukrainaj Biełaruskaje tavarystva Čyrvonaha Kryža aktyŭna ŭdzielničała ŭ vyvazie ŭkrainskich dziaciej z akupavanych terytoryj na terytoryju Biełarusi, hienieralny sakratar BTČK Dźmitryj Šaŭcoŭ asabista naviedvaŭ Danbas, majučy na svaim adzieńni simvał rasijskaj ahresii — łacinskuju litaru Z. Ułasna, mienavita paśla taho i ŭźnik toj skandał, na jaki musiŭ adreahavać navat Mižnarodny Čyrvony Kryž, zvyčajna nie vielmi pryncypovy ŭ reputacyjnych pytańniach.
Akramia taho, kiraŭnictva arhanizacyi nieadnarazova publična vykazvałasia ŭ padtrymku raźmiaščeńnia na terytoryi Biełarusi rasijskaj jadziernaj zbroi.
U toj ža čas prablemy parušeńnia pravoŭ čałavieka ŭ Biełarusi kiraŭnictva arhanizacyi zusim nie cikaviać, nie robiać jany i sprob palepšyć stanovišča palitźniavolenych u turmach režymu Łukašenki.
Uznačalvaŭ vybarčyja kamisii, choča lačyć hiejaŭ, ekśpiert pa ŭsich pytańniach. Chto taki Dźmitryj Šaŭcoŭ, jaki kiruje Biełaruskim Čyrvonym Kryžam
«Čyrvony Kryž u Biełarusi — heta nijaki nie niejtralitet». Byłyja vałanciory arhanizacyi raskazali, jak situacyja ŭ joj vyhladaje znutry
Ci mohuć Biełaruski Čyrvony Kryž vyklučyć ź mižnarodnaj arhanizacyi?
«A my heta kankretna možam zrabić» — Šaŭcoŭ z Čyrvonaha Kryža pra jadziernuju zbroju
Kiraŭnik Biełaruskaha Čyrvonaha Kryža, jaki zaśviaciŭsia z Z-simvolikaj, raskazaŭ, što robić na Danbasie
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1111
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch11
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary